Luka 21:1 - Tedim Bible

¹ Tua lai takin Zeisu in en a, sumhaute in sumkholna sungah sum a khiat uh a mu hi.

Tedim Bible Revision 2017

¹ Jesu a khuadak leh mihaute in biakinn sumkuang sungah a letsong uh a khiatna,

Luka 21:1 Iomraidhean Croise

1 KUMPI MASATE 14:26

amah in Topa’ inn-a van manphate leh kumpipa’ inn-a van manphate lakhia hi; amah in na khempeuh lakhia hi. Amah in Solomon’ bawlsa kham lumte khempeuh zong la hi;

2 KUMPI NIHNATE 12:9

Tua ciangin siampi Jehoiada in singkuang, khat la-in a siin vutvang a, Topa’ inn sung tum ciangin taklam pang khuampi gei-ah koih hi; tua ciangin sangkil a cing siampite in Topa’ inn sungah a kipaipih sum khempeuh tua sungah koih uh hi.

2 KHANG TANGTHU NIHNATE 36:18

Tua ciangin Topa’ inn a, um-le-beel khempeuh a lian a neu, leh Topa’ inn a, vanmanphate leh kumpipa leh a uliante’ vanmanphate khempeuh amah in Babilon ah paipih hi.

Nehemiah 13:13

Tua ciangin tua vankoihna innte a kem dingin siampi Shelemiah, lai thei Zado, leh Levi mi Pedaiah, leh amaute a huh dingin Mattaniah’ tapa Zakkur, a tapa Hanan ka seh hi; bang hang hiam cih leh amaute in mi muanhuai ahi uh hi. Amau’ nasep in a sanggamte uh tungah amau’ tanh ciat uh a hawmkhia ding ahi uh hi.

Mattiu 27:6

Siampite in dangka la uh a, “Si man sumpi kholna sungah koih ding kilawm lo hi,” a ci uh hi.

Luka 20:47

Amaute in meigongte’ neihsa a ne mang uh a, mawhna a kilat loh nadingin sauveipi thu a ngen uh hi. Tuate in mawhsakna lianzaw a thuak ding uh hi,” a ci hi.

Johan 8:20

Biakna innpi sungah thu a hilh lai takin, sumkholna dei sungah hih thu a gen hi. A hun tung nai lo ahih ciangin kuamah in a man kei uh hi.

Joshua 6:19

Ahih hangin ngun leh kham, sumngo leh sik tawh kibawl nazatte Topa adingin siangtho hi; Topa’ sumkoihna-ah tuate tung ding hi,” a ci hi.

Joshua 6:24

Amaute in khuapi leh a sunga om khempeuh mei tawh hal uh hi; ngun leh kham, leh sumngo leh sik tawh a kibawl nazatte bek Topa’ inn-a sumkoihna-ah koih uh hi.