Luka 2:9 - Tedim Bible

⁹ Topa’ vantungmi khat in amaute kiangah ding a, a kiimkot ah Pasian’ vang tang a, amaute in a kihta mahmah uh hi.

Tedim Bible Revision 2017

⁹ Amaute kiangah Topaʼ vantungmi khat hong kilang a, Topaʼ minthanna vang in amaute hong taan ahih manin a lau mahmah uh hi.

Luka 2:9 Iomraidhean Croise

1 KUMPI MASATE 8:11

meii hangin siampite in na sem dingin om thei lo uh hi; bang hang hiam cih leh Topa’ minthan’na in Topa’ inn tuam hi.

Paikhiatna 16:10

Israel mihon buppi' tungah Aaron in thu a gen lai takin, amaute in gamlak lam en uh hi, en in, meii sungah Topa’ minthan’na hong kilang hi.

Paikhiatna 16:7

Topa’ tunga na phunna uh amah in za khin ahih manin zingsang ciangin Topa’ minthan’na na mu ding uh hi. Bang hang hiam cih leh kote’ tungah na phun theih nadingun kote in a bang hi mawk ka hi uh hiam?” a ci uh hi.

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

Isaiah 40:5

Topa’ kam in gen khin ahih manin, Topa’ minthan’na hong kilang ding a, mi khempeuh in mu khawm ding uh hi,” a ci hi.

Isaiah 60:1

Jerusalem khuapi aw, tho in la, sun nitaang bang in! Topa minthan’na in nangma tung hong taan’ zo hi.

Ezekiel 3:23

Tua ahih manin kei zong kuam sungah ka va pai a, Khebar Gun gei-a ka muh bang teek mahin tua lai-ah Topa’ minthan’na ka mu hi. Kei zong lei-ah ka bok suk a,

Mattiu 1:20

Tua banga a lungngaih lai takin a mang sungah Pasian’ vantungmi khat kilang a, “David’ suan Josef aw, na lawmnu Mari na ten’pih dingin lunghimawh kei in. Ama gaina in Kha Siangtho in a gaisak hi.

Luka 1:28

Gabriel in ama kiang a tun’ ciangin, “Thupha a ngah nungak aw, na cidam ta hen. Topa in nang tawh a omkhawm hi,” a ci hi.

Luka 2:8

Tua gamah tuucingte in gam lakah giakin amau tuu honte zanin a cing uh hi.

Luka 24:4

Amaute in lamdang a sak lai takun, mi nih in mit leng thei puan silhin amaute kiangah a ding uh hi.

Johan 12:41

Isaiah in Zeisu’ minthan’na mu khol ahih ciangin tua bangin ama thu a genkhol hi.

Sawltak 12:7

Pasian’ vantungmi khat in ama kiangah ding a, thong inn sungah khuavak a tang hi. Vantungmi in Piter’ pang beeng a, phongin, “Tho mengmeng in,” a cih ciangin sikkhaute a khut tung pan a kitolkhia hi.

Sawltak 27:23

Bang hang hiam na cih uh leh, hong uk leh kei in a na ka sepsak Pasian’ vantungmi khat in tuzanin ka kiangah ding a,

Sawltak 5:19

Ahih hangin zan lai takin Topa’ vantungmi khat in thonginn kongkhak a hon’ khit ciangin amaute lakhia a,

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Hebru 12:21

Tua bang a kilatna in kihtakhuai mahmah ahih ciangin Moses in, “Keimah in kihta-in ka liing hi,” a ci hi.

Mangmuhna 18:1

Tua thute khit ciangin aana a lian mahmah a nei vantungmi khat in vantung pan pusuakin a hong kumsuk ka mu hi. Lei in ama vangliatna tawh a taang hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.