Luka 2:4 - Tedim Bible

⁴ Josef in zong David’ suan ahih ciangin, a kidongsa a lawmnu Mari tawh kisim dingin, Galile gam Nazareth khua panin Judah gam Bethlehem kici David’ khua-ah a pai uh hi.

Tedim Bible Revision 2017

⁴ Josef zong Davidʼ suante khat ahih manin Galilee gam sung Nazareth khua panin Davidʼ suahna khua ahi Judea gam Bethlehem khua ah a pai hi.

Luka 2:4 Iomraidhean Croise

Piancilna 35:19

Tua ahih ciangin Rachael si-in, Efrat (Bethlehem) paina lampi-ah kivui a,

Piancilna 48:7

Bang hang hiam cih leh Paddan panin ka pai lai-in, Efrath tun’ madiak, Kanaan gam lam kal-ah ka dah nadingin Rachel si hi; Efrah (Bethlehem) paina lampi-ah amah ka vui hi,” ci hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Mattiu 1:20

Tua banga a lungngaih lai takin a mang sungah Pasian’ vantungmi khat kilang a, “David’ suan Josef aw, na lawmnu Mari na ten’pih dingin lunghimawh kei in. Ama gaina in Kha Siangtho in a gaisak hi.

Mattiu 2:23

Galile gamah pai a, “Khazih in Nazereth mi kici ding hi,” ci-a Pasian’ kamsangte’ gen bangin a tun’ nadingin Nazareth kici khua khatah tungin a teeng hi.

Luka 2:3

Mi khempeuhte in kisim dingin amau khua ciatah a pai uh hi.

Luka 2:5

Tua Mari a gai zawh a sawt zo hi.

Luka 4:16

A khan’na Nazareth khua-ah Zeisu pai a, ngeina bangin Nipi ni-in kikhopna innah lut a, Lai Siangtho sim dingin a ding hi.

Johan 1:46

Nathanael in, “Nazareth khua sung pan na hoih khat hong piang thei ding hiam?” ci-in a dot leh, Filip in, “Hong pai in la, hong en in,” a ci hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Ruth 1:19

Tua ahih ciangin Bethlehem a tun’ mateng a nih-un paisuak uh hi. Bethlehem a tun’ uh ciangin amaute’ hangin a khuazangpi-un luum lialua uh hi; “Hih nu Naomi ahi hiam?” a ci uh hi.

Ruth 2:4

En in, Boaz in Bethlehem panin hong pai hi; amah in an late kiangah, “Topa in note hong ompih ta hen!” a ci hi. Amaute in dawngin, “Topa in nang thupha hong pia ta hen!” a ci uh hi.

Ruth 4:11

Tua ciangin kulh kongpi-a om mite khempeuh leh upate in, “Kote in teci ka hi uh hi. Topa in, Israelte’ innkuan a lamto khawm Rachel leh Leah bangin na innkuan sunga hong pai numei bawl ta hen. Efrathah-ah na dau pai hen la, Bethlehem ah na minthang ta hen;

Ruth 4:17

A veng nupite in a min phuak uh a, “Naomi sung pan tapa khat suak,” a ci uh hi. Amaute in a min Obed phuak uh hi; amah in Jessi’ pa hi a, Jessi in David’ pa ahi hi.

1 SAMUEL MASA 16:1

Topa in Samuel kiangah, “Israelte tungah kumpi hihna panin amah ka nolh khitna mu napi-in Saul’ hangin bang tan vei dah ding na hi hiam? Na sathau biing-ah sathau thun in la, pai in; Bethlehem mi Jessi kiangah kong sawl ding hi; bang hang hiam cih leh ama tapate lak panin keima ading kumpi khat ka la khin hi,” a ci hi.

1 SAMUEL MASA 16:4

Topa’ thupiak bangin Samuel gamta-in Bethlehem ah pai hi. Tua khuapi upate a liingsa-in amah dawn dingin hong pai uh a, “Thu hoih a, hong pai na hi hiam?” a ci uh hi.

1 SAMUEL MASA 17:12

Tu-in David in Judah gam Bethlehem khua-a om Efrathah mi, tapa giat a nei, Jessi min neipa’ tapa ahi hi. Saul hun lai-in tua mipa teek zo-in kum tampi pha ta hi.

1 SAMUEL MASA 17:58

Saul in ama kiangah, “Tangval aw, kua tapa na hi hiam?” a ci hi. David in dawng in, “Bethlehem khuami na nasempa Jessi’ tapa ka hi hi,” a ci hi.

1 SAMUEL MASA 20:6

Na pa in kei hong kan leh, ‘David in ama khuapi Bethlehem-ah a va taipak dingin kei kiangah limtakin hong kingen hi; bang hang hiam cih leh amau innkuan khempeuh adingin kumsim biakpiakna tua lai-ah om hi,’ na ci ding hi.