Luka 11:2 - Tedim Bible

² Zeisu in, “Note in thu na nget uh ciangin hih bangin na ngen un: ‘Pa aw, Nangma min siangtho ta hen; Na Gam hong piang ta hen;

Tedim Bible Revision 2017

² Jesu in amaute kiangah, “Hih bangin na ngen ding uh hi: ‘Pa aw, na min siangtho kizahtak henla, na Ukna hun hong tung tahen.

Luka 11:2 Iomraidhean Croise

1 KUMPI MASATE 8:43

na ten’na vantung panin za in la, tua gamdang mipa in nang tungah hong ngetna khempeuh tawh kizui-in hih in; nangma mi Israelte mah bangin leitung mi khempeuh in na min thei-in nang hong zahtak nading, leh hih ka lamsa inn in nangma min tawh a kilo a hihna a theih nading uh ahi hi.

2 KUMPI NIHNATE 19:19

Tua ahih ciangin tu-in, Topa kote’ Pasian aw, leitung kumpi gam khempeuh in nang, nang bek Pasian na hihna a theih nadingun ama khut panin kote hong honkhia in, kong thum hi, Topa aw,” a ci hi.

2 KHANG TANGTHU NIHNATE 20:6

“Topa, ka pu ka pate uh Pasian aw, nang vantungah Pasian hilo na hi hiam? Minamte’ kumpigam khempeuh tungah nang in uk hilo na hi hiam? Na khut sungah vangliatna leh thahatna om a, kuamah in nang hong nang zo lo hi.

Late 103:20

Ama thugen a ngai, ama thu bang-a a sem no a thahat, no ama vantung mite aw, Topa phat un!

Late 108:5

Pasian aw, vantungte’ tungah sangto lai in! Leitung khempeuhah na minthan’na om sak in!

Late 11:4

Topa in ama biakinn siangtho sungah om a, Topa’ tokhom in vantungah om hi; a mit-in en a, a mit tawh mihing’ tate entel hi.

Late 57:11

Pasian aw, vantungte’ tungah sangto lai in! Leitung khempeuhah na minthan’na om sak in!

Thuhilh-sia 5:2

Thu ngaihsun masa-in pau in la, Pasian’ tungah thu mawkciam pak kei in. Vantungah Pasian om a, leitungah nang om na hih manin na pau dinga kilawm zah val pau kei in.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin, nangmah in kote’ Pa na hi hi; Topa aw, nangmah in kote’ Pa na hi a, nangmah in tanglai pek pan kote hong Tankhia-pa na hi hi.

Ezekiel 36:23

Note in minamdangte lakah na daisaksa uh a lian ka min siangtho pen tu-in minam dangte lakah a siangthona ka langsak ding hi. Keimah in ka siangthona minam dangte lakah ka lah nadingin note kong zang ding hi. Tua ciangin Topa ka hihna thu amaute in hong thei ding uh hi. Topa Pasian ahi keimah in hih thu ka gen khin hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukkhadnezzar kumpipa tungah a hong hilh zo hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 7:18

Ahih hangin Sangpen Pasian’ mite in kumpi za a ngah ding uh a, a tawntungin a nei tawntung ding uh hi,” a ci hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

Siampi Laibu 22:23

Bawngtal hita leh tuuno hita leh a na khatpeuh a saulua ahih kei leh a tom luate pen note in ut thu-a biakna-in na pia thei ding uh hi; ahih hangin thuciamna biak nadingin kisang zo lo hi.

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.

Mattiu 10:32

“Mite mai-ah kei hong mang hong ngai peuhmah, vantungah ka Pa mai-ah zong ka ngai ding hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 5:16

Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”

Luka 11:1

Zeisu in mun khatah thu ngen a, a tawp khit ciangin a nungzuite khat in, “Topa aw, Johan in ama nungzuite thunget nading ahilh mah bangin, kote zong hong hilh in,” ci-in a ngen hi.

ROM (Romans) 8:15

Note in kihtak kikkik nading sila’ lungsim na ngah kei uh hi. “Abba, Pa aw,” i cih mah bangin ta suahna lungsim na ngah uh hi.

1 KORIN MASA 1:3

Topa Zeisu Khazih leh i Pa Pasian kiang panin hehpihna thupha leh nopna nomau tungah hong tung ta hen.

2 KORIN NIHNA 1:2

I Pa Pasian leh Topa Zeisu Khazih kiang panin hehpihna thupha leh nopna nomau tungah om ta hen.

Galati 1:4

Tua Zeisu in Pasian’ deihna tawh kituakin a gilo ahi hih leitung pan eite hong gumkhia dingin ah eite khialhna ading ama pumpi kipia hi.

Efesa 1:2

I Pa Pasian leh Topa Zeisu Khazih kiang pan hehpihna thupha leh nopna note tungah om ta hen.

Filippi 1:2

I Pa Pasian leh Topa Zeisu Khazih kiang pan hehpihna thupha leh nopna in note tungah om ta hen.

Filippi 4:20

Eite’ Pa leh Pasian tungah a tawntungin minthan’na om tawntung ta hen. Amen.

1 THESALONIKA MASA 1:1

Paul, Silvanas leh Timoti-te in Pa Pasian leh Topa Zeisu Khazih sungah kip-a a om Thesalonika pawlpi kong zasak uh hi: Hehpihna thupha leh nopna in nomau tungah om ta hen.

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Mangmuhna 19:6

Tua lai takin mi honpi’ aw, tui lianpi’ aw, nakpi vanging’ aw bang kampau’ aw in: “Hallelujah! Bang hang hiam i cih leh, Vanglianpen Topa i Pasian in a mang hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.