Luka 10:1 - Tedim Bible

¹ Tua khit ciangin Topa in a dang sawmsagihte koih a, a pai nading khuapi, khuaneu tengah ama mai-ah nih tek, nih tekin a sawl hi.

Tedim Bible Revision 2017

¹ Tua khit ciangin Jesu in ama pai nading khua le mun khempeuh ah nih nihin a na pai dingin mi sawm sagih seh a, ama mai ah a ma paisak hi.

Luka 10:1 Iomraidhean Croise

Ezekiel 8:11

Tua lai-ah Israel minam makai sawmsagih na om a, tuate lakah Shafan’ tapa Jaazaniah zong na om hi. Amaute in paknamtui halna kuang khat ciat tawi uh a, paknamtui hal khute van lamah kahto biaibuai hi.

Gamlak-vakna 11:16

Topa in Moses kiangah, “Mite’ upa leh ulian hi ci-a na theih, Israel upate’ sung panin mi sawmsagih hong khopsak in; kikhopna bukah amaute paipih in la, tua lai-ah nang tawh ding khawmsak in.

Luka 1:17

A pate’ lungsim un tate kiangah kiheisak nading ahi zongin, thu ngai lo mite in midikte’ pilna lampi ah kiheisak nading ahi zongin, Topa ading a kibawlkhol mite a pian’ nading ahi zongin amah in Elijah’ lungsim leh vangliatna tawh Pasian mai-ah a pai ding hi,” ci-in a gen hi.

Luka 1:76

Ahi hi, naungeek aw, nangmah in Sang Bel Topa’ kamsangpa hong kici ding hi. Bang hang hiam na cih leh, eite Pasian hong hehpihna thupha hangin ah Ama mi pawlte’ khialhna maisakna tawh,

Luka 7:13

Zeisu in tua numei a muh ciangin hehpihhuaisa a, “Kap kei in,” a ci hi.

Luka 7:19

Johan in ama nungzuite nih sam a, Topa kiangah sawlin, “Nangmah in hong pai dingpa taktak na hi hiam? A hih kei leh midang khat ka lamen lai ding uh hiam?” ci-in a dongsak hi.

Luka 9:52

A mai-ah kamtaite a paisak hi. Tuate pai uh a, Zeisu ading mun bawl khol dingin Samaria khua khatah a lut uh hi.