Luka 1:8 - Tedim Bible

^8-9 Zekhariah in ama pawlte tawh a ban ban Pasian mai-ah siampi na a sep hun tung a; siampite za ngeina bangin biakna innpi sungah lutin, paknamtui mei tawh hal nading thu a ngah hi.

Tedim Bible Revision 2017

⁸ Ni khat, ama pawlteʼ sep hun ding a tun ciangin Zekhariah in Pasianʼ mai ah siampi nasep a sem hi.

Luka 1:8 Iomraidhean Croise

1 KHANG TANGTHU MASATE 24:19

Hihte in Israel’ Topa Pasian in amah a thupiak bangin a pupi uh Aaron in amaute’ adingin a kipsakna ngeina bangin Topa’ inn sungah pai dingin amau’ nasep uh ahi a kiseh nasep nei uh hi.

1 KHANG TANGTHU MASATE 24:2

Ahih hangin a pa uh sih ma-in Nadab leh Abihu si-in ta nei lo uh ahih manin Eleazar leh Ithamar-te siampi suak uh hi.

2 KHANG TANGTHU NIHNATE 11:14

Bang hang hiam cih leh Jeroboam leh a tapate in Topa’ siampi a sepna panun amaute hawlkhia-in, mual dawn a, biakpiakna munte, dawi gilote, leh ama bawlsa bawngno milimte’ adingin ama siampi tuam teel ahih manin Levi mite in amau’ taang gam leh amau’ neihsate nusia-in Judah leh Jerusalem ah hong pai uh hi.

2 KHANG TANGTHU NIHNATE 31:19

Amau’ khuapite aa ahi taang gam lote ah a Aaron’ suan siampite’ adingin ahih leh, a kiciamteh siampite lak leh Levi mite lakah pasal khempeuh tungah amau ngah dingte a hawm dingin a minin a kiseh mite, khuapi tampite sungah om hi.

2 KHANG TANGTHU NIHNATE 31:2

Tua ciangin Hezekiah in siampite leh Levi mite amau’ nasep ciat tawh kizui-in a khen a khenin seh a, siampite leh Levi mite in meihal biaknate leh thu-nuama biaknate pia-in, Topa’ inn sung phual tuamtuamte huang sungah nasemin lungdam kohna leh phatna a bawl ding ahi uh hi.

2 KHANG TANGTHU NIHNATE 8:14

A pa David’ biakna ngeina kip tawh kizui-in, amau’ nasepna dingin siampite a pawlpawlin a kikhennate, leh ni simin nasepna-ah a kisam bangin siampite’ mai-ah Levi mite phatna panmunte leh nasepna, leh kongpi tampite’ adingin kongcingte amau’ pawl kikhenna ciatah amah in seh hi; bang hang hiam cih leh tua bangin Pasian’ mipa David in thu pia hi.

Ezra 6:18

Tua ciangin Moses laibu sungah a kigelh bangin Jerusalem a, Pasian’ nasep nadingin siampite amau’ panmun ngei-ah pangsak uh a, Levi mite amau nasepna ngei-ah sem sak kik uh hi.

Paikhiatna 28:1

“Tua ciangin keimah' tungah siampi na a sem dingin Israel mite' lak panin na sanggampa Aaron leh amah tawh a tapate—Aaron leh Aaron’ tapate, Nadab leh Abihu, Eleazar leh Ithamar, nangma' kiangah la in.

Paikhiatna 28:41

Amaute in keima' tungah siampi na a sep theih nadingun na sanggampa Aaron leh amah tawh a om ama' tapate' tungah tuate na silhsak ding a, amaute sathau nilhin, nasem dingin kipsakin, na siangthosak ding hi.

Paikhiatna 29:1

“Tu-in hih in, amaute in keima' tungah siampi na a sep theih nadingun amaute na sian’thosak nadingin amaute' tunga na hih ding ahi hi. Bawngtalno khat leh a sitbang lo tuutal nih,

Paikhiatna 29:44

keimah in kikhopna buk leh biakna tau ka siangthosak ding hi; keima' tungah siampi na a sem dingin Aaron leh a tapate zong ka siangthosak ding hi.

Paikhiatna 29:9

kawnggakte tawh amaute gakin amau' tungah a lukhute uh na gak ding hi; siampi nasepna in a kip tawntung ngeina ahih manin amau aa hi ding hi. Tua bangin Aaron leh a tapate na koih ding hi.

Paikhiatna 30:30

Amaute in keima' tungah siampi na hong sep theih nadingun Aaron leh a tapate nangmah in sathau nilhin, amaute na siangthosak ding hi.

Gamlak-vakna 18:7

Nang leh na tapate in biakna tau tawh kisai nate leh dalna puan sunga om nate khempeuhah na siampi nasep uh na sem ding uh hi; na siampi nasep uh letsongin kong piak hi a, a nai-ah hong pai midang peuhmah kithat ding hi,” a ci hi.

Luka 1:5

Judah gam Herod kumpipa a man’ lai-in Abijah pawlte lakah Zekhariah a min nei siampi khat a om hi. Tuapa’ zi in Aaron suan hi a, a min Elisabeth ahi hi.

Luka 1:7

Elisabeth in tasel ahih ciangin, a khan’ teek dongin ta a nei kei uh hi.