Luka 1:51 - Tedim Bible

⁵¹ Ama ban tawh vangliatna a lak zo hi. Amau ngaihsutna lungsim uh a kiphasakte kikhenthang sak zo hi.

Tedim Bible Revision 2017

⁵¹ Amah in a hat mahmah a khut zan a, kiliatsakna lungsim a nei mite a thehthang hi.

Luka 1:51 Iomraidhean Croise

Piancilna 11:8

Tua ahih ciangin Topa in tua lai panin leitung maitang khempeuhah amaute thehthang a, amaute in akhuapi bawl uh tawp uh hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Late 118:15

Ngai un! thuman mite’ puanbuk sungah gualzawh lungdamna la kisa a, “Topa’ taklam khut in a lian nate hih khin hi!

Late 33:10

Topa in minamte’ thu ngaihsutna a mawkna suah a, mite’ geelna khaktan hi.

Late 52:9

Hih bang bawl khin na hih manin, na tungah ka lungdam ngitnget ding hi. Thuhoih ahih manin, miphate’ omna-ah na min ka taangko ding hi.

Late 63:5

Ka lupna tungah nangmah hong ngaihsun-in, zan-in nangmah kong lungngaih ciangin, guhngek leh sathau ne bangin ka lung tai a, lungdamna tawh nangmah phatna la ka sa ding hi.

Late 89:10

Nangmah in a kithatsa luanghawm khat bangin ganhing golpi Rahab na sugawp a, na thahatna tawh na galte na zogawp hi.

Late 89:13

Nangma vang lian mahmah a, na thahatna kigen thei lo hi.

Late 98:1

Amah in nalamdangte bawl khin ahih manin Topa tungah la thak khat sa un! Ama khut taklam leh ama khut siangthote in amah gualzosak hi.

Paikhiatna 18:11

Topa in pasian khempeuh sangin a liat zawkna tu-in ka thei hi, bang hang hiam cih leh mite' tungah kiphatsakna tawh Izipt mite a gamtat lai takin amah in Iziptte’ khut nuai panin mite khahkhia hi,” a ci hi.

Isaiah 40:10

En un, Topa Pasian hong pai a, vangliatna tawh hong pai a, a banin ama adingin uk ding hi. En un, ama sep thamante hong pua a, a gualzawhna thamante hong masuan hi.

Isaiah 51:9

Khanglo in, Khanglo in, thakhauh in, Topa’ khut aw; khang sawtpi, hun lui lai-a bangin na vangliatna zangin hong huh in. Rahab a satzan gawppa, gulpi a sunpa nangmah hilo na hi hiam?

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Isaiah 63:12

Moses, tung tawnin a vangliatna khut zangin na lianpipi a sempa, ama mite’ mai-ah tuite khenkhamin, amah a minthan’ tawntung nadingin hih bang nate a sempa, tu-in koi-ah om ta ahi hiam, ci uh hi.

Jeremiah 49:15

Bang hang hiam cih leh, en in, keimah in gamdangte sangin nang kong neusak zaw a, mite kong simmawhsak ding hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

ROM (Romans) 1:21

Amaute in Pasian a thei uh hi napi-in Pasian phat ding a kilawm zahin a phat kei uh a, ama hehpihna phat lo uh tham loin, amau in mawkna-in a ngaihsun uh a, ciamteh thei loin amau lungsim uh a mial hi.

2 KORIN NIHNA 10:5

Tua hiamte tawh mi hanciamna ahi zongin, Pasian theihna pilna lang khatah a kiphasak ngaihsutnate ahi zongin khuplet gawpin, lungsim khempeuh manin khumcipin Khazih’ thu ka ngaisak uh hi.

Thu-hilhkikna 4:34

Tua ahih kei leh, Topa na Pasian un Izipt gam sungah note adingin na muhna uhah a bawlte khempeuh tawh kibangin, ze-etna, lim, nalamgdang, gal, a vanglian leh a thahatna leh launa lianpi tawh pasian khat sung pan minam khat a va lak ding hanciam ngam ngei ahi hiam?

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

Mangmuhna 18:8

Tua ahih ciangin ama gimna ahi sihna, kahna, kikona, kialpite in ni khat sungin a tung ding uh hi. Amah zong mei in a kang tum khin ding hi. Bang hang hiam i cih leh, ama tungah thu a khen Topa Pasian in a vanglian ahi hi.