Late 127:2 - Tedim Bible

² Zingsangin tho baih-in, gimpi-a nangma’ sepsa an na nek hakna in a mawkna ahi hi; bang hang hiam cih leh amah in ama itte tungah a ihmut sung nangawnun a pia hi.

Tedim Bible Revision 2017

² Zingsangin tho baihin, gimpi a nangma sep sa an na nek hakna zong a mawkna mah ahi hi. Bang hang hiam cih leh amah in ama itte tungah a ihmut sung nangawnun a pia hi.

Late 127:2 Iomraidhean Croise

JOB (Job) 11:18

Lungnuam tak leh lametna nei-in na om ding a, Pasian in nang hong hu-in tawldamna hong pia ding hi.

Late 3:5

Lum-in ka ihmu a, Topa in hong kem ahih manin ka thokik hi.

Late 4:8

Nuam takin lumin ka ihmu ding hi; bang hang hiam cih leh Topa aw, nangmah bek in lungmuan’na munah nong om sak hi.

Late 60:5

Nangma it mite a suahtak theih nadingin nangma khut taklam tawh gualzawhna pia in la, kote’ ngetna hong pia in!

Paunak 10:22

Topa’ thupha in mite hausak a, dahna, gimna tawh piakhawm lo hi.

Thuhilh-sia 1:14

Leitungah a kisem khempeuh ka mu khin a, tuate khempeuh a mawknapi na hi a, huihpi nungdelh tawh kibang hi.

Thuhilh-sia 4:8

Mi khat in a tapa ahi a, sanggam ahi zongin nei lo napi-in, a tawntungin nasemin a neihsa tawh lungkim hun nei thei lo hi. Kua adingin gimpi-in na sem a, a ut utin ta hoh lo ahi hiam? Hih in zong a mawknapi mah, a dahhuai nuntakna khat ahi hi.

Thuhilh-sia 5:12

Na a sem mipa in a nek ding nei taleh nei takei leh lungnuam takin ihmu thei a, a haute ahih leh lungnuam takin ihmu thei lo uh hi.

Thuhilh-sia 6:7

Mihingte’ nasepna in a nek tawm ding bek a ngaihsutna hi napi-in, a kham khop ngah zo tuan lo hi.

Jeremiah 31:26

Tua khit ciangin ka khanglo-a ka khua dak hi. Ka khan’ lawh nuam ka sa mahmah hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak ding a, gamlakah nuam takin gamta-in lum thei ding uh hi.