Kolose 3:3 - Tedim Bible

³ Bang hang hiam na cih uh leh, note in na si zo uh a, note nuntakna in Khazih tawh Pasian sungah kiseel khawmin a om uh hi.

Tedim Bible Revision 2017

³ Note a si khin na hi uh a, noteʼ nuntakna pen Khris tawh Pasianʼ sungah a kiseel khawm ahi hi.

Kolose 3:3 Iomraidhean Croise

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

Johan 14:19

Tawlkhat khit ciangin leitung mite in kei hong mu lo ding uh hi. No na hih uh leh, nong mu ding uh hi. Keimah nungta ka hih ciangin, note zong na nungta ding uh hi.

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Johan 5:21

Pa in mi sisate a thosak, a hingsak kik mah bangin Tapa in zong ama deihte a hingsak thei hi.

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Johan 5:40

Note in nuntakna na ngah nadingun ka kiangah nong pai kei uh hi.

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

ROM (Romans) 5:21

Tua ahih ciangin mawhna in sihna a pian’sak mah bangin hehpihna in i Topa Zeisu Khazih hangin dikna piangsak a, nuntak tawntungna hong ngah sak hi.

ROM (Romans) 6:11

Tua mah bangin mawhna lam pan a si mi na hi uh a, Khazih Zeisu hangin Pasian lam pan mihing na hi uh na ciamteh un.

ROM (Romans) 6:2

Mawhna ah a si eite in tua mawhna sungah bangci-in i hing lai ding hiam?

ROM (Romans) 8:2

Bang hang hiam na cih uh leh, Khazih Zeisu hanga a om nuntakna’ Kha tawh kipawl thukham in mawhna leh sihna’ thukham sung pan kei hong honkhia zo hi.

1 KORIN MASA 15:45

Lai Siangtho sungah a kigelh mah bangin, “A masa bel Adam in a nungta mihing a suak hi,” kici hi. A nunung bel Adam in nuntakna a pia thei kha a suak hi.

1 KORIN MASA 2:14

Kha Siangtho a nei lo mi in Pasian’ Kha Siangtho’ thute a mang kei hi. Bang hang hiam na cih uh leh, tuate haina a sa a, tua thute Kha Siangtho bek tawh kikhentel thei ahih ciangin amah in a thei zo kei hi.

2 KORIN NIHNA 5:14

Bang hang hiam na cih uh leh, mi khempeuh tang ding mi khat bek si ahih ciangin mi khempeuh a si uh ahi zongin,

2 KORIN NIHNA 5:7

Kote in mit’ muhna tawh hi loin, upna tawh ka nungta uh hi.

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

Efesa 3:9

na khempeuh a bawl Pasian sungah tanglai tawntungin kiseelin a om thuthuk tawh kipawl thu in bang ci bang ahi cih mi khempeuh a theih sak nading ahi zongin Pasian mite lakah a neu bel mi sangin a neuzaw keimah tua hehpihna thupha hong pia zo hi.

Filippi 4:7

Tua bang na hih uh leh, kuamah in a tel zawh loh Pasian’ nopna in Khazih Zeisu sungah note lungsim uh leh na ngaihsutnate uh hong keem ding hi.

Kolose 2:20

Note in leitung thungeek pan Khazih tawh na sikhawm uh ahih leh, bang hangin tua leitungah a om lai bangin na gamta uh hiam? Khatvei zatna tawh a muat pak thei nate ahi, mihing ngeina banga kihilhna leh kikhalna lel ahi—‘Len kei in,’ ‘Ciam kei in,’ Lawng kei in,’ kici thute bang hangin mangin na om uh hiam?

Kolose 2:3

Tua Khazih sungah pilna sum, theihna sum a om khempeuh kiseelin om hi.

Kolose 3:4

Eite nuntakna ahi Khazih hong kilat ciangin, note in zong tua Topa tawh minthang khawmin na kilang ding uh hi.

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

1 PETER MASA 3:4

Pasian mai-ah a manpha, lungnemna lungsim, a kisia thei lo kizepna ahi, a kimu thei lo lungsim sung kizepna hi ta hen.

1 PETER MASA 4:2

Pasian’ deihna bang zui-in, na pumpi uh a nuntakna a om lai hun a bei dongin, tua bang lungsim nei-in om un. Bang hang hiam na cih uh leh, gimna a thuak mi in mawhna tawh a kikhen hi.

1 JOHAN MASA 3:2

Ka itte aw, tu-in Pasian’ tate i hi hi. A nung ciangin bang ci mi i hi ding a kilang nai kei hi. Ahih hangin amah hong kilat ciangin eite in amah tawh i kibang ding hi ci-in i thei hi. Bang hang hiam na cih uh leh, ama pum a om bangin amah i mu ding hi.

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”