Joshua 9:7 - Tedim Bible

⁷ Ahih hangin Israel mite in tua Hiv mite kiangah, “Kote nai-ah a teeng mite na hi kha thei ding uh hi; tua hi leh note tawh thuciamna hong bangci bawl theih ding ka hi uh hiam?’ a ci uh hi.

Tedim Bible Revision 2017

⁷ Ahih hangin Israel mite in tua Hiv mite kiangah, “Koteʼ mai ah a teeng mite na hi kha thei ding uh hi. Tua hileh note tawh thuciamna hong bangci bawl theih ding ka hi uh hiam?” a ci uh hi.

Joshua 9:7 Iomraidhean Croise

Piancilna 10:17

Hiv mite, Arki mite, Sin mite,

Piancilna 34:2

Hiv mi Hamor’ tapa Shekhem,tua gam ulianpa in amah a muh ciangin, amah in manin luppih a, siasak hi.

2 SAMUEL NIHNA 24:7

tua ciangin Tai-ar munmuanhuai leh Hiv mite leh Kanaan mite’ khuapite khempeuhah tung uh hi; tua panin amaute Judahte’ Negeb lam Be-ersheba-ah pai uh hi.

Paikhiatna 23:22

“Ahih hangin note in ama' aw lim takin ngai-in keima' gen bangin na gamtat uh leh na galte uh’ tungah gal ka hi ding a, na langte uh’ tungah lang ka hi ding hi.

Paikhiatna 3:8

Izipt mite’ khut sung panin amaute khahkhia-in, tua leitang panin amaute lakhia-in a hoih a tanzau leitang, bawngnawi leh khuaizu a luan’na leitang, Kanaan mite, Hit mite, Amor mite, Perez mite, Hiv mite leh Jebus mite’ omna-ah amaute paipih dingin kong paisuk hi.

Paikhiatna 34:12

Na paina leitanga a teng mite tawh thuciamna bawl kha loin, tua pen note’ laizangah thangzak a suah khak loh nadingin nangmahmah kidawm in.

Gamlak-vakna 33:52

note mai panin tua gama teeng mi khempeuh na hawlkhia ding uh a, amau’ suang milimte khempeuh susia-in, a kisung amau’ milimte khempeuh na susia ding uh a, mual tunga a biaknate khempeuh uh na sumang ding uh hi;

Thu-hilhkikna 20:16

Ahih hangin, amau’ pasiante; na a sepna uhah ahih uh a kihhuai gamtatnate khempeuh note hong hilh theih loh nading leh tua bangin Topa na Pasian uh tungah na khialh theih loh nadingun, Topa na Pasian un luah dingin note tungah hong piak hih mite’ khuapi sungah hu a diik khempeuh na hing khawi kei ding uh a, Topa na Pasian uh hong thupiaksa bangin Hit mite leh Amor mite, Kanaan mite leh Perez mite, Hiv mite leh Jebus mite, a vekpi-in amaute na susia mang ding uh hi.

Joshua 11:19

Gibeon khua-a teeng Hiv mite longal Israel mite tawh kilemna a bawl khuapi khat zong om lo hi; amaute in tuate khempeuh simin a lak uh ahi hi.

Joshua 9:1

Jordan gal khat-a om mualtung gam leh lei niamna gam Lebanon lam Tuipi Lian dung khempeuhah a om kumpite, Hit mite, Amor mite, Kanaan mite, Perez mite, Hiv mite, leh Jebus mite in hih thu a zak uh ciangin,

Thukhente 2:2

hih gam-a teeng mite tawh thuciamna na bawl kei ding uh hi; amau’ biakna taute na susia ding uh hi,’ ka ci hi. Ahih hangin note in ka thupiak na mang kei uh hi. Hih banga na gamtat uh bang ahi hiam?

Thukhente 3:3

Tua minamte in: Filistia mi ulian ngate, Kanaan mi khempeuh, Sidon mite, leh Baalhermon Mual panin Hamath lutna ciang dong Lebanon Mual tungah a teeng Hiv mite ahi hi.