Joshua 9:4 - Tedim Bible

⁴ amaute zuauthu tawh gamta uh a, lam-an bawlin, a late uh tungah a paatsa ip leh a paatsa leenggahzu um leh a kikeek leh a kiphopte guangin,

Tedim Bible Revision 2017

⁴ amaute in khembawl ding vaihawm uh a, lam-an bawlin, a late uh tungah a paat sa ip le a paat sa leenggahzu um, a kikeek leh a kiphopte suanin,

Joshua 9:4 Iomraidhean Croise

Piancilna 34:13

Amah in a sanggamnu uh Dinah siasak khin ahih manin Jakob’ tapate in Shekhem leh a pa Hamor khemna tawh dawng uh hi.

Late 119:83

Bang hang hiam cih leh kei pen meikhu lak-a a kikoihdak savun-um tawh ka kibang a, ahih zongin nangma ngeina kipte ka mangngilh tuan kei hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Mattiu 9:17

Mite in leenggahtui thak savun uum lui sungah a thun kei uh hi. Tua bangin a thun leh, savun a puakkham sak ding hi. Leenggahtui luangkhia-in savun a kisia gawp thei hi. Leenggahtui thak savun uum thak sungah a kithun leh, a nihin kisia lo ding uh hi,” a ci hi.

Marka 2:22

Kuamah in savun um lui sungah leenggahtui thak a thun kei uh hi. Tua bangin a thun leh, leenggahtui in savun a puak khamsak ding a, leenggahtui leh savun a kisia gawp ding uh hi. Leenggahtui thak savun thak sungah a thun uh hi,” a ci hi.

Luka 16:8

Thuman lo sumkempa in pilna tawh ahih ciangin a topa in a phat hi. Bang hang hiam na cih uh leh, leitung’ tate in amau khang lakah khuavak’ tate sangin a pil zaw uh hi.

Joshua 9:12

Hih lai-ah ka anlum uh om hi; no kiangah pai dingin kong din’ khiat ni uh’ khualzin lam-an dingin ka inn panun ka guan lai takun lum lai hi, ahih hangin tu-in, en un, keu-in ap hi;

Joshua 9:13

hih leenggahzu umte ka thun lai takun a thak ahi hi, tu-in en un, puak gawp hi; hih ka puante uh leh ka khedapte uh khual gamlapi zinna-in paat gawp hi,” a ci uh hi.

Joshua 9:3

Ahih hangin Gibeon khua-a teeng mite in Jerikho leh Ai tungah Joshua hihnasa thu a zak uh ciangin,

Joshua 9:5

a khe uh ah a paatsa, a kiphop khedapte bulhin, a paatsa puante tawh pai uh hi; a ante khempeuh uh keu-in ap hi.