Joshua 9:25 - Tedim Bible

²⁵ Tu-in, en in, kote in nangma khut sungah ka om uh hi; hoih na sak bang leh kote tungah bawl dingin nangma muhna-ah man na sak bangin hong bawl in,” a ci uh hi.

Tedim Bible Revision 2017

²⁵ Tu-in, en in, nangma khut sungah kote ka om uh hi. Hoih na sak bang leh kote tungah bawl dingin nangma muhna ah man na sak bangin hong bawl in,” a ci uh hi.

Joshua 9:25 Iomraidhean Croise

Piancilna 16:6

Ahih hangin Abram in Sarai’ kiangah, “En in, na numei-nasemnangma’ khut sungah om hi; na ut bangin ama' tungah bawl in,” ci hi. Tua ciangin Sarai in amah gawt bawl a, Hagar zong taikhia hi.

2 SAMUEL NIHNA 15:26

ahih hangin amah in, ‘nang tungah lungkimna ka nei kei hi,’ hong cih leh, en in, hih lai-ah kei ka om hi, amah in hoih a sak bangin kei tungah hong hih hen,” a ci hi.

2 SAMUEL NIHNA 24:14

Tua ciangin David in Gad kiangah, “Nakpi takin ka lungkham hi; ama hehpihna lian ahih manin Topa’ khut sungah tung ni; ahih hangin mihing’ khut sungah hong tung sak kei in,” a ci hi.

2 KUMPI NIHNATE 10:5

Tua ahih ciangin kumpi inn a ukte leh khuapi a ukte in upate leh a kemte tawh kigawmin Jehu kiangah mi sawl uh a, “Kote in nangma nasemte ka hi uh a, nong sawl khempeuh ka hih ding uh hi. Khat zong kumpi-in ka bawl kei ding uh hi; hoih na sak bang bangin hong hih in,” a ci uh hi.

Isaiah 47:6

Ka mite’ tungah ka heh a, keima luah gamh ka ninsak hi; nangma khut sungah amaute kong pia a, nang in amaute na hehpih kei hi; a khangham mite tungah na hakkol na giksak mahmah hi.

Jeremiah 26:14

Ahih hangin kei ka hih leh, en un, note’ khut sungah ka om hi. Note in hoih na sak uh leh man na sak uh bangin kei tungah hong bawl un.

Jeremiah 38:5

Kumpipa Zedekiah in, “En un, amah note’ khut sungah om hi, keimah in note kong kho thei kei hi,” a ci hi.

Mattiu 11:26

A hi mah hi, ka Pa aw, tua bangin na deih hi.

Joshua 9:26

Tua ahih ciangin amah in amaute tungah tua bangin bawl a, Israel mite khut sung panin amaute honkhia hi; amaute in that lo uh hi.

Thukhente 10:15

Israel mite in Topa tungah, “Ka khial khin uh hi; hoih na sak bangbangin ko tungah hong hih in; tu ni-in hong honkhia in, kong thuum uh hi,” a ci uh hi.

Thukhente 8:15

Tua ciangin Sukkoth mite kiangah amah tungin, “Kei tungah hong kisialin, ‘A gim na mite tungah anlum ka piak dingun Zebah leh Zalmunna na khut sungah om khin ahi hiam?’ na cih uh Zebah leh Zalmunna en un,” a ci hi.

1 SAMUEL MASA 3:18

Tua ahih ciangin Samuel in ama kiangah a vekpi-in genin bangmah iim lo hi. Tua ciangin amah in, “Amah in Topa ahi hi; amah in hoih a sak bangin amah hih sak in,” a ci hi.