Joshua 9:17 - Tedim Bible

¹⁷ Israel mite ding khia uh a, a ni thum ni-in amau khuapite ban uh hi. Tu-in amau’ khuapite in Gibeon, Khefirah, Be-eroth, leh Kiriath-jearim ahi hi.

Tedim Bible Revision 2017

¹⁷ Israel mite ding khia uh a, a ni thum ni-in amauteʼ khuapite a ban uh hi. Amauʼ khuapite pen Gibeon, Khefirah, Beeroth le Kiriath-jearim na hi hi.

Joshua 9:17 Iomraidhean Croise

2 SAMUEL NIHNA 4:2

Saul’ tapa in galsim pawlte a makai mi nih nei hi; khat pa’ min in Baanah hi-in, adang khat pa’ min in Rekhab hi a, Be-eroth khua pan Benjamin mi Rimmon’ tapate ahi uh hi (bang hang hiam cih leh Be-eroth zong Benjamin’ aa-in kisim hi;

1 KHANG TANGTHU MASATE 12:4

Gibeon khuami Ishmaiah in mihing sawmthumte lakah a thahatpa leh sawmthumte a makaipa ahi hi; Gederah khuami Jeremiah, Jahaziel, Johanan, leh Jozabad zong ahi uh hi;

1 KHANG TANGTHU MASATE 2:50

Hihte in Kaleb’ suan leh khakte ahi uh hi. Kaleb’ zi Efrath’ tacil Hur’ tapate in: Kiriath-jearim khuapi a sat Shobal,

1 KHANG TANGTHU MASATE 2:52

Kiriath-jearim khuapi a sat Shobal in tapa nei hi: Haroeh leh Menuhoth mi a langte’ pian’na ahi hi.

1 KHANG TANGTHU MASATE 2:53

Tua ciang Kiriath-jearim khua sungah a teengte in: Ithri mite, Puth mite, Shumath mite, leh Mishrai mite ahi uh hi; hihte sung panin Zorah mite leh Estaol mite hong piang hi.

1 KHANG TANGTHU MASATE 21:29

Bang hang hiam cih leh Moses in gamlakah a bawl Topa’ biakbuk leh meihal biakna tau pen tua hunin Gibeon mualdawn ah om lai hi;

Ezra 2:25

Kiriath-Jearim khua, Khefirah khua, leh Be-eroth khuami zasagih leh sawmli-le-thum ahi hi.

Nehemiah 7:29

Kiriath-jearim, Khefirah, leh Be-eroth khuami za sagih leh sawmli-le-thum ahi hi.

Jeremiah 26:20

Kiriath-Jearim khua panin zong Topa’ min tawh thu a hilh Shemaiah’ tapa Uriah a kici midang khat a om lai hi. Jeremiah’ gen mah bangin amah in zong hih khuapi leh hih gam lang khatah thu a gen hi.

Joshua 10:2

nakpi takin a lau hi; bang hang hiam cih leh Gibeon in kumpi khuate khat mah bangin khua lian khat hi a, Ai khua sangin zong lian zaw-in a mite khempeuh zong mi thahat ahi hi.

Joshua 15:60

Kiriathbaal (Kiriath-jearim a cihna), leh Rabbah: khuapi nih, a khua neute tawh ahi hi.

Joshua 15:9

tua ciangin mual dawn panin Neftoah Tuite lui-ah gamgi kikhung a, tua panin Efron Mual khuapite-ah pai hi; tua ciangin Baalah (Kiriath-jearim a cihna) lamah gamgi kawi kual hi;

Joshua 18:14

Tua ciangin gamgi mun dang manawhin pai a, Bethhoron galkhat, leitaw lam-a om mual panin nitumna lam pang leitaw lamah kihei a, Judah minamte’ aa ahi Kiriathbaal (Kiriath-jearim a cihna) ah tawp hi. Hih in a nitumna lam pang piangsak hi.

Joshua 18:15

Tua ciangin Kiriath-jearim mong panin leitaw lam pang kipan hi; tua lai panin Efron lam, Neftoah Tuite-ah gamgi pai hi;

Joshua 9:16

Amaute tawh thuciamna a bawl khit uh ni thum a cin’ ciangin, amaute a vengte ahihna leh amaute nai-ah a teengte ahihna thu za uh hi.

Joshua 9:18

Ahih hangin Topa, Israelte Pasian min tawh mihonte’ makaite kiciam zo ahih manin Israel mite in amaute that lo uh hi. Tua ciangin makaite tungah mihon khempeuh phun uh hi.

Joshua 9:3

Ahih hangin Gibeon khua-a teeng mite in Jerikho leh Ai tungah Joshua hihnasa thu a zak uh ciangin,

Joshua 9:9

Amaute in ama kiangah, “Topa na Pasian uh min hangin a gamla mahmah gam panin na nasemte kong pai uh hi; bang hang hiam cih leh ama thu, leh Izipt gam sungah a hihte khempeuh,

Thukhente 18:12

amaute paito-in Judah gam sung Kiriath-jearim-ah giahphual sat uh hi. Hih thu hangin tu hun dongin tua mun pen Mahanehdan kici hi; en in, tua in Kiriath-jearim nitumna lamah om hi.

1 SAMUEL MASA 6:21

Tua ahih ciangin amaute in Kiriath-jearim-ah a teng mite kiangah kamtaite sawl uh a, “Filistiate in Topa’ thuciamna singkuang hong puakkik khin uh hi. Hong paisuk un la, no kiangah puato un,” a ci uh hi.

1 SAMUEL MASA 7:1

Tua ciangin Kiriath-jearim mite hong pai-in Topa’ thuciamna singkuang puato uh a, mual tungah a om Abinadab’ inn-ah paipih uh hi; Topa’ thuciamna singkuang a en dingin amaute in ama tapa Eleazar ap uh hi.