Joshua 9:11 - Tedim Bible

¹¹ Ka upate uh leh ka gamsung uh a, teeng mite khempeuh in kote kiangah, ‘Na khualzin nadingun lam-an bawl un la, amaute dawntuah dingin pai-in amaute kiangah, “Kote in na nasemte ka hi uh hi; tu-in hong pai un la, kote tawh thuciamna hong bawl un,” va ci un,’ hong ci uh hi.

Tedim Bible Revision 2017

¹¹ Ka upate uh le ka gam sung uh a a teeng mite khempeuh in kote kiangah, ‘Na khualzin nading uh lam-an bawl unla, amaute a dawntuah dingin pai-in amaute kiangah, “Kote, na nasem ka hi uh hi. Tua ahih ciangin kote tawh thuciamna hong bawl un,” va ci un,’ hong ci uh hi.

Joshua 9:11 Iomraidhean Croise

Piancilna 43:12

Na sum uh a zah nih pua un; na van gong uh a, a kikoih kik sumte pua kik un; a kikhial hi kha ding hi.

2 KUMPI NIHNATE 10:5

Tua ahih ciangin kumpi inn a ukte leh khuapi a ukte in upate leh a kemte tawh kigawmin Jehu kiangah mi sawl uh a, “Kote in nangma nasemte ka hi uh a, nong sawl khempeuh ka hih ding uh hi. Khat zong kumpi-in ka bawl kei ding uh hi; hoih na sak bang bangin hong hih in,” a ci uh hi.

Esther 8:17

Kumpipa’ thupiakna a tun’na gam leh khua khempeuh ah Judah mite adingin lungdamna leh kipahna, pawi bawlna leh nasep khawlin zumkhakna om hi. Tua hi a, mite in Judah mite kihta uh ahih manin tua gam-a om mi tampi tak in Judah mi ka hi uh hi, ci uh hi.

Luka 9:3

“Note in lampi ah zat ding bangmah na keng kei un. Ciangkhut ahi zongin, thung-ip ahi zongin, khomun ahi zongin, dangka ahi zongin, na keng kei un. Puanak nih na nei kei un.

Joshua 1:11

“Giahphual-ah pai un la, mite thu pia-in, ‘Na lam-an ding uh kiging khol un; bang hang hiam cih leh Topa na Pasian un na neih dingun note hong piak leitangah pai-in a luah dingin ni thum sungin hih Jordan a galkah ding na hi uh hi,’ ci un,” a ci hi.

Joshua 9:10

leh Jordan gal khatah a om Amor kumpi nihte ahi, Ashtarothah a teeng Heshbon kumpi Sihon leh Bashan kumpi Og tungah a hihte khempeuh a kigenna ka za khin uh hi.

Joshua 9:12

Hih lai-ah ka anlum uh om hi; no kiangah pai dingin kong din’ khiat ni uh’ khualzin lam-an dingin ka inn panun ka guan lai takun lum lai hi, ahih hangin tu-in, en un, keu-in ap hi;

Joshua 9:8

Amaute in Joshua kiangah, “Kote in nangma nasemte ka hi uh hi,” a ci uh hi. Tua ciangin Joshua in amaute kiangah, “Kuate na hi uh hiam? Koi lai panin hong pai na hi uh hiam?”a ci hi.