Joshua 8:8 - Tedim Bible

⁸ Khuapi na lak khit uh ciangin Topa’ hong sawlsa bangin hihin mei tawh khuapi na hal ding uh hi; thei un, note thu kong pia khin hi,” a ci hi.

Tedim Bible Revision 2017

⁸ Khuapi na lak khit uh ciangin Topaʼ hong sawlna bangin hihin, mei tawh khuapi na hal ding uh hi. Note thu kong piak khitna thei un,” a ci hi.

Joshua 8:8 Iomraidhean Croise

2 SAMUEL NIHNA 13:28

Tua ciangin Absalom in a nasemte thu pia a, “Amnon’ lungsim leenggahzu tawh a lungnop ciangin ciamteh un la, note kiangah, ‘Amnon sat un,’ kong cih ciangin amah that un. Lau kei un; note thu hong pia khin hilo ka hi hiam? Hang un la, thahat un,” a ci hi.

Thu-hilhkikna 20:16

Ahih hangin, amau’ pasiante; na a sepna uhah ahih uh a kihhuai gamtatnate khempeuh note hong hilh theih loh nading leh tua bangin Topa na Pasian uh tungah na khialh theih loh nadingun, Topa na Pasian un luah dingin note tungah hong piak hih mite’ khuapi sungah hu a diik khempeuh na hing khawi kei ding uh a, Topa na Pasian uh hong thupiaksa bangin Hit mite leh Amor mite, Kanaan mite leh Perez mite, Hiv mite leh Jebus mite, a vekpi-in amaute na susia mang ding uh hi.

Joshua 1:16

Amaute in Joshua dawngin, “Kote nong thupiak khempeuh ka hih ding uh a, nong sawlna peuhpeuhah ka pai ding uh hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 6:24

Amaute in khuapi leh a sunga om khempeuh mei tawh hal uh hi; ngun leh kham, leh sumngo leh sik tawh a kibawl nazatte bek Topa’ inn-a sumkoihna-ah koih uh hi.

Joshua 8:13

Tua ahih ciangin galkapte, khuapi leilu lamah a phualpi leh khuapi nitumna lamah a nungdalte, koih uh hi. Ahih hangin tua zanin Joshua kuam sungah om hi.

Joshua 8:2

Jerikho leh a kumpipa tungah na bawl bangin Ai leh a kumpipa tungah na bawl ding hi; a van kinusiate leh a ganhingte bek note adingin na la ding uh hi; a khuapi nungah a khuapi sim dingin na buksim ding uh hi,” a ci hi.

Joshua 8:22

Tua ciangin Ai khua mite a do dingin khuapi panin Israel dangte hong kuankhia uh hi; tua ahih ciangin Israelte kikalah amaute om uh a, pawlkhat hih lamah pawlkhat hua lamah om hi; a nungta a suakta khat zong a om lo dongin Israelte in amaute vatmai uh hi.

Joshua 8:28

Tua ahih ciangin Joshua in Ai hal a, tu ni donga a om mah bangin nin kholnapi khatin piangsak den hi.

Joshua 8:7

tua ciangin na buk simna panun note na kipan ding uh a, khuapi na la ding uh hi; bang hang hiam cih leh Topa na Pasian un note khut sungah hong pia ding hi.

Joshua 8:9

Tua ahih ciangin Joshua in amaute sawlkhia hi; a buksim nading uh munah amaute pai-in, Ai nitumna lam, Beth-el leh Ai kikalah pang uh hi; ahih hangin tua zan-in mite lakah Joshua om hi.

Thukhente 4:6

Amah in mi sawlin Naftali gam Kedesh panin Abinoam’ tapa Barak samsak a, ama kiangah, “Topa, Israelte’ Pasian’ in nang thu hong pia-in, ‘Pai in, Tabor Mual-ah na mite khawm in la, Naftali minam leh Zebulun minam panin mi tulsawm la in hong ci hi lo ahi hiam?