Joshua 8:35 - Tedim Bible

³⁵ Moses in a thupiak kammalte khempeuh Israel mi honpite, leh numeite, leh naupangte, leh amau lakah a teeng peemtate mai-ah Joshua in a sim loh khat zong om lo hi.

Tedim Bible Revision 2017

³⁵ Moses in a thupiak kammalte khempeuh Israel mihonpite, numeite le amaute lakah a teeng peemtate mai ah Joshua in a sim loh khat zong om lo hi.

Joshua 8:35 Iomraidhean Croise

Ezra 10:1

Ezra in tu-a bangin thu ngenin mawhna pulakin khitui naptui tawh Pasian’ inn mai-ah kunin a om lai takin Israel mi numei, pasal, naupang, mi tampi tak ama kiim-ah hong kikhawmin amaute khempeuh zong nakpi takin a kap uh hi.

Nehemiah 8:2

Tua hi a, a kha sagihna a ni khat ni-in numei pasal, leh thu telthei ding a kikhawm khempeuh’ mai-ah siampi Ezra in thukham laibu hong paipih hi.

Nehemiah 8:3

Tua ciangin amah in Tui Kongpi mai-a om tualpi lam mai ngatin zingsang tung-a kipan sun ciang dong, numei pasal leh thu a telthei ding mite’ zakin tua laibu sunga thute sim a, mi khempeuh in tua thukham laibu sunga thu kisimte lim takin ngai uh hi.

Paikhiatna 12:38

Minam dang tampi leh tuuhon leh bawnghon, ganhing tampi zong amau tawh pai uh hi.

Jeremiah 26:2

“Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Joel 2:16

Mite kaikhawm un la, amaute sian’ suah un. A khangham mite sam un la, naupangte zong kaikhawm un la, nawine lai naungekte zong paipih un. A kiteng cil nungak leh tangvalte nangawn in, a omna uh nusia-in hong pai uh hen.

Zekhariah 8:23

Tua hun ciangin minam tuamtuamte sung panin mi sawm, Judah mi khat kiangah hong pai-in, ‘Pasian in note hong ompihna thu za ka hih manun na nung hong zuisak in,’ ci-in thuum ding uh hi,” a ci hi.

Marka 10:14

Zeisu in a muh ciangin heh a, “Naupangte omsak ta un. Ka kiangah hong pai ding uh kham kei un. Bang hang hiam na cih uh leh, Pasian Gam in tua bangte gam ahi hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Sawltak 21:5

Ni sagih khit ciangin ka paikik uh a, nungzuite khempeuh in, a zite a tate uh tawh khua nawlah kote hong kha uh a, tuipi gei-ah khukdin’in thu ka nget khit uh ciangin,

Thu-hilhkikna 29:10

“Topa na Pasian un tu ni-in note tawh a bawl, Topa na Pasian uh’ thuciamna sungah note na lut theih nading, tu ni-in amah in ama mi dingin note hong kipsak theih nading, leh note tungah hong ciamna leh na pu na pate uh Abraham, Isaak leh, Jakob tungah a kiciamsa bangin amah in note’ Pasian ahih theih nadingin, na minam lutangte, na upate, na uliante, Israel mi pasal khempeuh, na ta neute, na zite, na giahphual uhah a om peemta, na sing uh hong tomsakin na tui uh hong tawisakte akipan note khempeuh, tu ni-in Topa na Pasian uh mai-ah na ding uh hi.

Thu-hilhkikna 29:9

Tua ahih ciangin na hihna khempeuh uhah na daupai theih nadingun hih thuciamna kammalte khempeuh lim takin na zuih ding uh na ngaihsun ding uh hi.

Thu-hilhkikna 31:12

-

Thu-hilhkikna 4:2

Topa na Pasian un hong piak ahi keima hong thugente na zuih theih nadingun no kong thupiakte behlap loin, zong na khiam kei ding uh hi.