Joshua 8:2 - Tedim Bible

² Jerikho leh a kumpipa tungah na bawl bangin Ai leh a kumpipa tungah na bawl ding hi; a van kinusiate leh a ganhingte bek note adingin na la ding uh hi; a khuapi nungah a khuapi sim dingin na buksim ding uh hi,” a ci hi.

Tedim Bible Revision 2017

² Jerikho le a kumpipa tungah na bawl bangin Ai le a kumpipa tungah na bawl dinga, a van kinusiate le a ganhingte bek note adingin na la ding uh hi. A khuapi nungah a khuapi a sim dingin na buk sim ding uh hi,” a ci hi.

Joshua 8:2 Iomraidhean Croise

2 KHANG TANGTHU NIHNATE 13:13

A nunglam panin amaute ahih dingin a pangsim ding pawlkhat Jeroboam in kualpai sak hi; tua ahih ciangin Judah mite’ mai-ah ama galkapte om a, a pangsimte amau’ nungah om hi.

2 KHANG TANGTHU NIHNATE 20:22

Amaute in la sa-in phat ding a kipat uh ciangin, Judah mite do dingin a hong pai Ammon mite, Moab mite, leh Seir Mual gam mite a pangsim ding Topa in koih a, amaute kizo hi.

Late 39:6

Ni liim bangin mihing pai kawikawi takpi hi. A mawkna-in amau lungkham takpi uh a, kua in ngah ding cih thei lopi-in mite in nate khol hi.

Paunak 13:22

Midikte in a tu a tate’ luah ding gamh nei a, mawhneite neihsate ahih leh midikte’ ading hi lel hi.

Paunak 28:20

A citak mipa in thupha tampi ngah ding a, a hau baih nuam mipa in daan tuak pelmawh ding hi.

Jeremiah 17:11

Thu manlo pi tawh a hau mi in ama’ tui lopi keuhsak dinga a op sim vasa tawh kibang hi. A khan’ lai-in a neihsa teng a taan ding a, a tawpna-ah mihaipi a suak ding hi.

Jeremiah 51:12

Babilon khua kulhpi tungah dial khai un; galvil ding tampi koih un. Cing sak un la, galte buk sim dingin kithawi un. Bang hang hiam cih leh Babilon khua mite tawh kisai-a Topa in a gensa teng, a geel khin zo a, a sem khin zo hi.

Thu-hilhkikna 2:35

i laksa a khuapi sunga van kinusiate tawh a ganhingte uh eima adingin i la bek hi.

Thu-hilhkikna 20:14

ahih hangin numeite leh naupangte, ganhingte, khua sunga na dang khempeuh, a kinusiate khempeuh note adingin na la ding uh hi; Topa na Pasian un note hong piak ahi na langte uh vante na tang ding uh hi.

Thu-hilhkikna 3:2

Ahih hangin Topa in kei kiangah, ‘Amah kihta kei in, bang hang hiam cih leh amah leh a mite khempeuh leh a leitang nangma khut sungah kong pia khin zo hi; Heshbon ah a teeng Amor kumpipa Sihon na bawl bangin ama tungah na bawl ding hi,’ hong ci hi.

Joshua 10:1

Joshua in Ai a lakna zia, leh Jerikho leh a kumpipa tungah a bawl bangin Ai leh a kumpipa tungah a bawlna, leh Gibeon khua sunga teeng mite in Israel tawh kilemna a bawlna leh amaute lakah a omna thu Jerusalem kumpipa Adonizedek in a zak ciangin,

Joshua 10:28

Tua ni-in Joshua in Makkedah khua la a, namsau tawh tua khua leh a kumpipa vatgawp hi; a sunga om mi khempeuh susia mangin, kuamah siit lo hi; Jerikho kumpipa tungah a bawl bangin Makkedah kumpipa tungah a bawl hi.

Joshua 11:14

Israel mite in tua khuapite sunga van kinusiate leh ganhingte amau’ galzawh van dingin la uh hi; ahih hangin amaute a suksiat khit matengun namsau tawh vatgawp uh a, husang khat beek nusia lo uh hi.

Joshua 6:21

Tua ciangin amaute in khuapi sunga om khempeuh numei leh pasal, a moi a ham, bawngtalte, tuute, leh late khempeuh namsau tawh that mang khin uh a, khuapi Topa tungah ap uh hi.

Joshua 8:12

Tua ciangin amah in mi tulnga bang paipihin, khuapi nitumna lam Beth-el leh Ai kikalah a buksim dingin koih hi.

Joshua 8:14

Ai kumpipa in hih a muh ciangin amah leh tua khuapi mi ahi a mite khempeuh, Israelte a do dingin manlangin kithawi-in Arabah lam paisukna-ah zing tungin paikhia uh hi; ahih hangin khuapi nungah amah a buksim a om lam thei lo hi.

Joshua 8:19

Tua ciangin a omna panun a bukte ding khia pah uh a, amah in a khut zan khit phetin amaute tai-in khuapi sungah lut uh a, a khuapi la uh hi; amaute manlangin a khuapi hal uh hi.

Joshua 8:24

Amaute in a delhna gamlakah Ai khua mi khempeuh Israelte in thatin, amaute khempeuh namsau tawh a bei dongin a thah uh a man khit uh ciangin, Israelte khempeuh Ai-ah paikik uh a, namsau tawh vatgawp uh hi.

Joshua 8:3

Tua ahih ciangin Joshua leh galkap khempeuh Ai-ah paito dingin kipan uh hi; Joshua in a tha kicing mi thahat tul sawmthum teel a, zan-in tua mite sawlkhia hi.

Joshua 8:7

tua ciangin na buk simna panun note na kipan ding uh a, khuapi na la ding uh hi; bang hang hiam cih leh Topa na Pasian un note khut sungah hong pia ding hi.

Joshua 8:8

Khuapi na lak khit uh ciangin Topa’ hong sawlsa bangin hihin mei tawh khuapi na hal ding uh hi; thei un, note thu kong pia khin hi,” a ci hi.

Joshua 8:9

Tua ahih ciangin Joshua in amaute sawlkhia hi; a buksim nading uh munah amaute pai-in, Ai nitumna lam, Beth-el leh Ai kikalah pang uh hi; ahih hangin tua zan-in mite lakah Joshua om hi.

Joshua 9:3

Ahih hangin Gibeon khua-a teeng mite in Jerikho leh Ai tungah Joshua hihnasa thu a zak uh ciangin,