Joshua 8:17 - Tedim Bible

¹⁷ Ai leh Beth-el khua sungah Israelte a delh lo pasal khat beek om lo in; khuapi kong hon’sa-in nusia-in Israelte delh uh hi.

Tedim Bible Revision 2017

¹⁷ Ai khua sung pan Israel-te a delh lo pasal khat beek om lo uh a, khuapi kong hon sa-in nusia-in Israel-te a delh uh hi.

Joshua 8:17 Iomraidhean Croise

JOB (Job) 5:13

Amah in migilote amau’ gitlohna mah-ah awk sak a, ngian a zangte’ geelna lumlet sak hi.

Thu-hilhkikna 2:30

Ahih hangin Heshbon kumpipa Sihon in eite hong paisak lo hi; bang hang hiam cih leh tu huna mah bangin na khut sung uhah amah hong piak theih nadingin Topa a Pasian un a lungsim khauh sakin, amah paupeng sak hi.

Joshua 11:20

Bang hang hiam cih leh Topa in Moses a thupiakna bangin amaute a kisuksiat mang nading leh hehpihna ngah loin a kibeisak theih nadingin Israelte a do nadingin a lungsim uh khauhsak ding Topa’ bawl ahi hi.

Joshua 8:16

Tua ahih ciangin khuapi sunga om mi khempeuhte amau delh dingin kikaikhawm uh a, Joshua a delh uh ciangin khuapi panin amaute a kihem khia ahi hi.

Joshua 8:18

Tua ciangin Topa in Joshua kiangah, “Na khut sunga om teipi Ai lamah zan in; bang hang hiam cih leh na khut sungah tua khua kong pia ding hi,” a ci hi. Tua ciangin Joshua in a khut sunga om teipi khuapi lamah zan hi.

Joshua 8:3

Tua ahih ciangin Joshua leh galkap khempeuh Ai-ah paito dingin kipan uh hi; Joshua in a tha kicing mi thahat tul sawmthum teel a, zan-in tua mite sawlkhia hi.

Thukhente 20:31

Tua ciangin amaute do dingin Benjamin mite kuankhia uh a, khuapi panin amaute kipaikhiasak hi; a hun dang-ate mah bangin amaute in Bethel lamah a paito pen leh Gibeah lamah a pai lam lianpi, leh gam sungah Israel mite sawmthum bang that uh hi.