Joshua 8:1 - Tedim Bible

¹ Tua ciangin Topa in Joshua kiangah, ‘Lau kei in la lungkia kei in; galkap khempeuh nang kiangah la in la, tho-in Ai-ah paito un; thei in, nangma khut sungah Ai kumpipa leh a mite, a khuapi, leh a leitang kong pia khin zo hi;

Tedim Bible Revision 2017

¹ Tua ciangin Topa in Joshua kiangah, “Lau kei inla lungkia kei in. Galkap khempeuh nang kiangah la inla, kithawi-in Ai ah pai to in. Nangma khut sungah Ai kumpipa le a mite, a khuapi le a leitang kong piak khitna thei in.

Joshua 8:1 Iomraidhean Croise

Late 27:1

Topa in ka khuavak leh ka kihotkhiatna hi; kua zahtak ding ka hi hiam? Topa in ka nuntakna’ adingin mun muanhuai hi; bang laupih ding ka hi hiam?

Late 44:3

bang hang hiam cih leh amaute in amau namsau tawh leitang ngah lo uh a, amau khut in amaute gualzawhna pia lo hi; na khut taklam leh na baan, na hehpihna maipha hizaw hi; bang hang hiam cih leh amau sungah nang na lungkim hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Jeremiah 46:27

“Ahih hangin lau kei un, ka nasempa Jakob’ suante aw; patau kei un, Israel mite aw, Bang hang hiam cih leh gamlapi panin no kong honkhia ding a, na suan na khakte uh saltan’na gam panin kong honkhia ding hi. Jakob’ suante hong ciahkik ding uh a, nuam takin a teeng ding uh hi. Kuamah in amaute a lausak nawn kei ding hi.

Jeremiah 49:3

“Heshbon khua mite aw, kap un! Ai khua kisia khin zo hi! Aw, Rabbah khua numeite aw, kap un! Ippi puan silh un la, kap un; Khua lakah lung-am-in kawi taitai un. Bang hang hiam cih leh na Milkom pasian uh leh a siampite leh a uliante hong kilak khiatsak ding hi.

Daniel 2:21

Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Daniel 4:25

Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Mattiu 8:26

Zeisu in, “Upna neute aw, bang dinga lau na hi uh hiam?” a cih khit ciangin, tho a, huih leh tuihual a taai khit ciangin a dai ta hi.

Thu-hilhkikna 1:21

En un, Topa na Pasian un note mai-ah leitang koih zo hi; Topa, na pate uh Pasian in note tungah hong gensa bangin pai un la, luah un; lau kei un la, lungkia kei un,’ kong ci hi.

Thu-hilhkikna 31:8

Na mai-ah a paipa in Topa ahi hi; amah in nang tawh hong om ding a, nang hong cimawhsak loin, zong hong nusia lo ding hi; lau kei in la, lungkia kei in,” a ci hi.

Thu-hilhkikna 7:18

amaute na kihta kei ding uh hi, Topa na Pasian un Faro leh Izipt mite khempeuh tungah ahih,

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 10:7

Tua ahih ciangin Gilgal panin amah leh galhang mite khempeuh leh a thahat mi khempeuh tawh Joshua paito hi.

Joshua 10:8

Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in; amaute khat beek in nang hong nang zo lo ding uh hi,” a ci hi.

Joshua 2:24

Amaute in Joshua kiangah, “Topa in leitang khempeuh eite khut sungah hong pia taktak hi; tua tham loin tua gam-a teeng mite khempeuh eite hangin lungmang uh hi,” a ci uh hi.

Joshua 6:2

Tua ciangin Topa in Joshua kiangah, “Thei in, na khut sungah a kumpipa leh a mi thahatte tawh Jerikho kong pia khin hi.

Joshua 7:9

Bang hang hiam cih leh Kanaan mite leh hih gam-a teeng mi khempeuh in hih thu za ding uh a, kote hong umcihin leitung panin kote hong phiatkhia mang ding uh hi; tua ciangin a lian nangma min bang cih ding na hi hiam?” a ci hi.