Joshua 7:7 - Tedim Bible

⁷ Tua ciangin Joshua in, “Ala, Topa Pasian, kote hong susia ding Amor mite khut sungah hong pia dingin bang hangin hih mite Jordan gal khatah hong paipih peuhmah na hi hiam? Jordan gal khatah teen’ ding a lungkim hi hoh ta le ung!

Tedim Bible Revision 2017

⁷ Tua ciangin Joshua in, “Ala! Topa Pasian, kote a hong susia ding Amor miteʼ khut sungah a hong pia dingin bang hangin hih mite Jordan gal khat ah hong paipih peuhmah na hi hiam? Jordan gal khat ah ten ding a lungkim hi hoh ta le-ung!

Joshua 7:7 Iomraidhean Croise

2 KUMPI NIHNATE 3:10

Tua ciangin Israel kumpipa in, “Ala! Moab kumpipa khut sungah a piak dingin Topa in hih kumpi thumte sam hi,” a ci hi.

Late 116:11

lunghihmawhna tawh, “Mi khempeuh zuau gen vive hi,” ka cih hun nangawnin ka um lailai hi.

Paikhiatna 16:3

amaute' tungah, “Kote sabeel phungah tu-in ka kham takun an ka nek lai-un Izipt leitangah Topa in hong that khin hi zaw ta leh; bang hang hiam cih leh mihon buppi gilkialna tawh a that dingin note in gamlakah nong paikhiatpih uh hi,” a ci uh hi.

Paikhiatna 17:3

Ahih hangin tua mun-ah tui duhin mite dangtak uh a, Moses tungah mite phun-in, “Kote leh ka tate uh leh ka ganhingte uh dangtakin a si dingin bang hangin Izipt panin kote hong paipih to na hi hiam?” ci uh hi.

Gamlak-vakna 14:16

‘Amaute tungah piak dinga a kiciam leitangah Topa in hih mite paipih zo lo ahih manin, amah in gamlakah amaute that hi,’ ci ding uh hi.

Gamlak-vakna 14:3

Namsau tawh a si dingin bang hangin Topa in hih gamah kote hong paipih ahi hiam? Ka zite leh ka tate uh galte’ mat suak ding uh hi; Izipt ah ciahkik ding ko adingin hoihzaw ding hilo ahi hiam?” a ci hi.

Mattiu 17:17

Zeisu in, “Upna nei lo, a lungkhauh pawlte aw, kei note tawh bang tan vei omkhawm ding ka hi hiam? Note bang tan vei hong thuak zo ding ka hi hiam? Tua naupang ka kiangah hong paipih un,” a ci hi.

Mattiu 17:20

Zeisu in, “Na upna uh a neu hang hi. Ke’n aman takpi kong cih-inah, note in ankamtang khat cia bang upna nei le-uh teh hih mual kiangah, “Kinkhia in,’ na cih uh leh, kikhin ding hi.

Hebru 12:5

Tua tham loin: “Ka tapa aw, Topa’ thuhilhna ciamteh loin om kei in, na mawhna hong teldot ciangin lungkia kei in.

Joshua 7:6

Tua ciangin Joshua in dahna lim-in ama puante balkeekin nitak mateng Topa thuciamna singkuang mai-ah, amah leh Israel upate boksuk uh hi; amaute in a lu tung uh ah leivui koih uh hi.

Joshua 7:8

Topa aw, Israelte in a galte uh mai-ah a nungkik uh ciangin bang gen thei ding ka hi hiam!

Thukhente 20:23

Tua ciangin Israel mite paito-in nitak dong Topa mai-ah kap uh hi; amaute in Topa kiangah thu dongin, “Ka sanggamte uh Benjamin mite do dingin gal phualah ka naih kik ding uh hiam?” a ci uh hi. Topa in, “Amaute do dingin paito un,” a ci hi.

1 SAMUEL MASA 4:3

Mihonte giahphualah hong ciah ciangin Israel upate in, “Bang hangin Topa in tu ni-in Filistia mite mai-ah eite hong taisak ahi hiam? Amah in eite lakah hong pai-in i galte’ vangliatna panin eite hong hotkhiat theih nadingin Topa’ thuciamna singkuang Shiloh panin paipih ni,” a ci uh hi.