Joshua 7:5 - Tedim Bible

⁵ Ai mite in amaute mi sawmthum-le-guk khawng thatin, a kulh kongpi mai Shebarim ciang dong delh uh a, tuahsukna mun-ah amaute that uh hi. Hih thu hangin Israel mite’ han’na bei-in, lau mahmah uh hi.

Tedim Bible Revision 2017

⁵ Ai mite in amauʼ kulh kongpi mai panin Shebarim ciang dong delh uh a, tuah sukna munah amaute sawm thum le guk khawng a that uh hi. Hih thu hangin Israel miteʼ hanna bei-in, lau mahmah uh hi.

Joshua 7:5 Iomraidhean Croise

Late 22:14

Tui bangin kei hong kibua khia a, ka guh ka tang khempeuh kilawi khin hi; ka lungtang khuainun bang a, ka awm sungah tui suak hi;

Late 58:7

Tui luangkhiate bangin amaute mangthangsak in la, lopa bangin amaute kituancil-in keutumsak in.

Isaiah 13:7

Tua ahih ciangin khut khempeuh zaw-in, mi khempeuh’ lungsim tui suak ding a,

Ezekiel 21:7

Tua bangin na omna thu mite in hong dot ciangin mai lama thupiang ding hangin a tuaci om na hihna gen in. Tua hun ciangin a lungsim uh launa tawh kidimin, launa hangin a khut uh liingcipin, a han’na lungsim uh bei-in, lau-in a khuk uh a liin’ kelkel nading thu leh, tua hun ding pen tu-in a hong tung ta, ahihna thu gen in,” Topa Pasian in hong ci hi.

Siampi Laibu 26:36

Note sung panin galte leitangah a om lai mite tungah lungsim gimna ka tungsak ding hi; nahthel ging in amaute tai sak ding a, namsau mai-ah mi khat a tai bangin amaute tai ding uh a, kuamah in a delh lohpi-in amaute puk ding uh hi.

Nahum 2:10

Nineveh khuapi kisusia-in kinusiacip a, gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai-ah si teeng lo hi.

Thu-hilhkikna 1:44

Tua ciangin tua mualtung gamah a teeng Amor mite hong kuanin, Seir gam Hormah ciang dongah khuai bangin hong delhin hong zo uh hi.

Joshua 2:11

Tua thu ka zak phetun lungsim kitam zanin, ka lungsim uh bei a, note’ hangin mite’ lungsimah han’na bei hi; bang hang hiam cih leh Topa na Pasian un tunga om vantung leh nuai-a om leitungah Pasian ahi hi.

Joshua 2:9

tua mite kiangah, “Topa in note tungah hih leitang hong piak khitna ka thei a, note hong kikihtakna kote tungah hong tungin, hih gam sunga a teeng mi khempeuh note mai-ah lunggim uh hi.

Joshua 5:1

Nitumna lam Jordan gal khat-a om Amor mite’ kumpite khempeuh leh tuipi gei-a om Kanaan mite’ kumpite khempeuh in, Israel mite in a kantan khit mateng amaute adingin Jordan tuite Topa in a kan’sakna thu a zak uh ciangin lungmang uh a, Israel mite hangin a lungsim uh a bei hi.