Joshua 7:26 - Tedim Bible

²⁶ Tua ciangin amaute in tu ni donga a om suang honpi Akhan tungah ciang uh hi; tua ciangin Topa’ heh luatna dai hi. Tua ahih ciangin tu dongin tua mun in Akhor Kuam, kici hi.

Tedim Bible Revision 2017

²⁶ Tua ciangin amaute in tu ni donga a om suang honpi ama tungah a ciang uh hi. Tua ciangin Topaʼ hehluatna a dai hi. Tua ahih ciangin tu dongin tua mun pen Akhor Kuam, kici hi.

Joshua 7:26 Iomraidhean Croise

2 SAMUEL NIHNA 18:17

Tua ciangin amaute in Absalom la-in tulak-a dum lianpi khat sungah amah paai uh-a, ama tungah suangcianlian mahmah khat ciang uh hi; tua ciangin Israelte khempeuh amau’ inn ciatah tai uh hi.

2 SAMUEL NIHNA 21:14

Tua ciangin amaute in Zela khua sung Benjamin’ leitang, a pa Kish’ han sungah Saul leh a tapa Jonathan’ guhte phum uh hi; amaute in kumpipa’ thupiak khempeuh hih uh hi. Tua khit ciangin tua gam ading thuumnate Pasian in ngai hi.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsim ah om hi.

Ezra 10:14

A kikhawm mihonpite’ tangin i makaite semsak in la, hih thu hangin eite tungah Pasian’ hehna a dam matengin, i khuapite sung khempeuh a, gamdang numei a ten’pih mi khempeuh amau khua sung upate leh thukhente ciat tawh a kiseh hunin i makaite kiangah va kilak uh hen,” a ci uh hi.

Late 85:4

Kote’ kihotkhiatna Pasian aw, kote ka ngei uh hong bangsak kik in la, kote tunga na lungkim lohna beisak ta in!

Paikhiatna 32:12

Bang hangin Izipt in, ‘Mual tungah amaute a that ding leh leitung panin amaute a beisak dingin siatna ngaihsutna tawh amah in amaute paikhiatpih hi,’ ci ding ahi uh hiam? A kihtak-huai na hehna daaisak in la, na lungsim khelin na mite' tungah hih siatna tungsak kei in.

Isaiah 40:2

Dam takin Jerusalem hopih un. Ama gimna hun bei ta a, ama mawhna kimaisakin, ama khialhnate khempeuh hangin Topa in a zah nih in daantat khin zo hi, ci-in ama tungah gen un.

Isaiah 65:10

Amaute in kei hong zong ding uh a, Sharon gam pen amau’ tuu hon gamtatna mun suaksakin, Akhor Kuam pen amau’ bawng honte’ lupna mun a suaksak ding uh hi.

Kah la 3:53

Leihawm thukpi a kawt sungah hong hing khiat uh a, suangtumpi tawh a hong sincip uh hi.

Hosea 2:15

Tua lai panin a leenggui lote ka pia kik ding a, Lungkhamna Kuam pen lametna kongpi ka suaksak ding hi. Izipt panin a paikhiat a nungakno hun lai mah bangin ka thugennate hong ngai ding hi.

Hosea 2:17

Ama kam panin Baal pasian min ka pulaksak nawn kei ding a, a min kilo kha nawn lo ding hi.

Joel 2:13

Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

Joel 2:18

Tua ciangin Topa in ama leitang donin, ama mite hehpih hi.

Jonah 1:15

Tua ciangin Jonah dom to-in tuipi sungah a khiat uh leh tuipi a daai pah hi.

Zekhariah 6:8

Tua ciangin vantungmi in kei hong otsan a, “Leilu lam Babilon gamah a paite in Topa’ hehna damsak hi,” hong ci hi.

Gamlak-vakna 25:8

Israel mipa inndei sungah zui a, Israel mipa leh a numei, a numei’ pumpi pailetin a nihin sun khawm hi. Tua bangin Israel mite sung panin gimna dai hi.

Thu-hilhkikna 13:17

-

Thu-hilhkikna 13:18

Tu ni-a note kong thupiak ahi ama thupiaknate khempeuh zui-in Topa na Pasian uh mai-ah a manin gamtatna tawh Topa na Pasian uh aw na ngaih uh leh, na pu na pate uh tungah a ciamsa bangin, a kihtak huai ama hehna panin Topa hong kihei-in note tungah migitna hong lakin, note tungah hehpihna hong nei-in, note tampi tak hong phak sak theih nadingin a ki-apsa na khat beek zong na kem kei ding uh hi.

Joshua 10:27

ahih hangin ni a tum hun ciangin Joshua in thu pia a, amaute in sing tung panin la khia sukin, amaute a buknasa leihawm sungah lawnsuk uh a, tu ni mahmahin a om lai ahi suangtum lianpite leihawm gongah koih uh hi.

Joshua 7:24

Tua ciangin Joshua leh amah tawh a om Israelte khempeuh in Zerah tapa Akhan, leh a ngun leh a puan leh a kham tawn, leh a tanute leh a tapate, leh a bawngtalte leh a late leh a tuute, leh a puanbuk, leh a neih khempeuh la uh hi; amaute in Akhor Kuam ciangah tuate paipih uh hi.

Joshua 8:29

Tua ciangin amah in nitak mateng sing khat tungah Ai kumpipa khai hi; ni a tum ciangin Joshua in thu pia a, amaute in sing tung panin a luang la sukin, khuapi kulh kongpi lutna-ah paai uh a, a tungah suangtum lompi ciang uh a, tu ni dongin tua suangcian om lai hi.