Joshua 7:24 - Tedim Bible

²⁴ Tua ciangin Joshua leh amah tawh a om Israelte khempeuh in Zerah tapa Akhan, leh a ngun leh a puan leh a kham tawn, leh a tanute leh a tapate, leh a bawngtalte leh a late leh a tuute, leh a puanbuk, leh a neih khempeuh la uh hi; amaute in Akhor Kuam ciangah tuate paipih uh hi.

Tedim Bible Revision 2017

²⁴ Tua ciangin Joshua le amah tawh a om Israel-te khempeuh in Zerahʼ tapa Akhan le a ngun, a puan, a kham tawn, a tanute, a tapate, a bawngtalte, a late, a tuute, a puanbuk le a neih khempeuh la uh a, amaute in Akhor Kuam ciangah tuate a paipih uh hi.

Joshua 7:24 Iomraidhean Croise

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

JOB (Job) 20:15

Migilopa in a guksa hauhnate luakhia kik a, a gil sung nangawn panin Pasian in a lakkhiatsak hi.

Paikhiatna 20:5

amaute' mai-ah kun loin, amaute na bia kei ding hi; bang hang hiam cih leh keimah Topa na Pasian in a aam Pasian ka hi a, kei hong mudahte' tungah pate’ mawhna tate tungah khang thum khang lina dongin thukin,

Paunak 15:27

A man lo-a sum ngahna in innsung lungkham sak a, sumgolh a deih lote a nuntak sauvei nuam hi.

Thuhilh-sia 5:13

A hoih het lo na khat hih leitungah ka mu hi: mite, amau’ lunggim nadingin hau uh hi.

Isaiah 65:10

Amaute in kei hong zong ding uh a, Sharon gam pen amau’ tuu hon gamtatna mun suaksakin, Akhor Kuam pen amau’ bawng honte’ lupna mun a suaksak ding uh hi.

Hosea 2:15

Tua lai panin a leenggui lote ka pia kik ding a, Lungkhamna Kuam pen lametna kongpi ka suaksak ding hi. Izipt panin a paikhiat a nungakno hun lai mah bangin ka thugennate hong ngai ding hi.

Joshua 15:7

tua ciangin Akhor Kuam panin Debir-ah gamgi paito a, leilu lam manawhin, tua kuam leitaw lam pangah a om, Adummim kahtohna gal khatah a om Gilgal lamah kihei hi; tua ciangin gamgi in Enshemesh tuite dungah pai-in Enrogel-ah tawp hi;

Joshua 22:20

Zerah’ tapa Akhan in a ki-ap nate-ah khialin Israel mihon khempeuh tungah hehna hong tung hilo ahi hiam? Ama mawhna hangin amah bek si lo hi,’ ci uh hi,” ci-in a gen uh hi.

Joshua 6:18

Ahih hangin suksiat dingin a kiseh nate panin nomau mah na kikem ding uh hi, tua hi kei leh tuate na suksiat ding uh ciangin a kisusia ding nate khat peuhpeuh iplahin la kha-in Israelte’ giahphual siat nading na khat suaksakin haksatna na tun’ kha ding uh hi.

Joshua 6:21

Tua ciangin amaute in khuapi sunga om khempeuh numei leh pasal, a moi a ham, bawngtalte, tuute, leh late khempeuh namsau tawh that mang khin uh a, khuapi Topa tungah ap uh hi.

Joshua 7:1

Ahih hangin Israel mite in a ki-ap nate tawh kisai-in zuautat uh hi; bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawlkhat la hi; tua ciangin Israel mite tungah Topa heh mahmah hi.

Joshua 7:23

Amaute in puanbuk panin tuate lakhia-in Joshua leh Israel mite khempeuh kiangah paipih uh hi; tua ciangin amaute in Topa mai-ah koih uh hi.

Joshua 7:26

Tua ciangin amaute in tu ni donga a om suang honpi Akhan tungah ciang uh hi; tua ciangin Topa’ heh luatna dai hi. Tua ahih ciangin tu dongin tua mun in Akhor Kuam, kici hi.