Joshua 7:21 - Tedim Bible

²¹ Shinar panin vankila lakah puan hoih khat, leh ngun shekel zanih a gik, leh shekel sawmnga a gik kham tawn khat ka muh ciangin, tuate ka iplah a, ka la hi; en in, tuate ka puanbuk sung lei lakah a ngunte a nuai-ah omin kiseel hi,” a ci hi.

Tedim Bible Revision 2017

²¹ Shinar panin van kia lakah puan hoih khat le ngun shekel za nih a gik le shekel sawm nga a gik kham tawn khat ka muh ciangin, tuate iplahin ka la kha hi. Tu-in tuate ka puanbuk sung leilak ah a ngunte a nuai ah omin kiseel hi,” a ci hi.

Joshua 7:21 Iomraidhean Croise

Piancilna 10:10

Ama' kumpi gam kipatna in Babilon, Erek, Akkad leh Kalneh hi a, tuate khempeuh Shinar gamsungah om hi.

Piancilna 3:6

Tua ahih ciangin singkung a hoihna, mi a pilsak dingin tua singkung a deihhuaina a muh ciangin, a singgah lo-in a ne hi; amah in zong singgah kimkhat a pasal pia a, a pasal in zong ne hi.

Piancilna 34:27

Jakob’ tapa dangte in a kithat mite’ tung tawnin khuapi susia uh hi, bang hang hiam cih leh a sanggamnu uh kisiasak hi;

Piancilna 6:2

Pasian’ tapate in mite’ tanute hoih hi, ci-in mu uh hi; amaute in a deih bangun tuate zi-in la uh hi.

2 SAMUEL NIHNA 11:2

Khatvei nitak lamin a lupna panin David tho-in kumpi innkhumzangah a pai leh innkhumzang panin amah in numei khat a kisil galmuh kha hi a numei mel hoih mahmah hi.

2 KUMPI NIHNATE 7:8

Giahphual nawlah hih a phakte hong tun’ uh ciangin puanbuk khat sungah amaute lutin ne-in dawn uh a, amaute in ngun leh kham leh puan puakhia-in pai-in tuate seel uh hi; tua ciangin amaute hong paikikin puanbuk dang khatah lut uh a, tua panin vante puakhia-in pai-in tuate seel leuleu uh hi.

JOB (Job) 31:1

“Lunggulhna tawh nungak khatpeuh ka et ngei loh nading, lim takin kiciamna ka bawl khin hi.

Late 119:37

Bangmah-a kimang lo nate, kei hong kinsak kei in la, nangma thu omsa bangin hong nungta sak in.

Paikhiatna 20:17

“Na vengte’ inn na deihgawh kei ding hi; na vengte’ zi hita leh, ama' nasempa hita leh, ama' nasem nu hita leh, ama' bawngtal hita leh, ama' la hita leh, na vengte aa ahi na khat peuhpeuh na deihgawh kei ding hi,” a ci hi.

Paunak 1:19

Zawhthawh thu tawh mi’ na a sutte in sihlawh tawntung zaw a, hih bang a gamtate in tu-a bangmah tuak ngitnget hi.

Paunak 23:31

Hai sungah a phuan seuhseuh, gawl sungah a tum suk hit-hit thei, leenggahzu san etin nei kei in.

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lam tak phawk kha lo hi.

Paunak 4:23

Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi; a tuumcip ding tuiciin in hong nawk ciangin ei hong ban lo ding hi; bang hang hiam cih leh zuau thu i beel a, zuauna ah i bu hi,” na ci uh hi.

Isaiah 29:15

Topa’ kiang panin ama’ thu vaihawmna a seel cip, khuamial sungah a gamta, “Kua in hong mu ding hiam? Kua in hong thei ding hiam?’ a cite in gimna ngah ta hen.

Habakkuk 2:9

Mi’ van na suhna uh tawh na mite uh hausakin, lauhuaina leh siatna a ngah loh nadingin na inn uh bawl na hih manun, gimna na ngah ding uh hi.

Luka 12:15

Tua zawh ciangin Zeisu in, “Note in huaihamna khempeuh kikemin na tang un. Bang hang hiam na cih uh leh, mihing nuntakna in sum hauh nading ahi kei hi,” a ci hi.

Luka 12:2

A kilak lo ding a kisincip bangmah om lo hi. A kithei lo ding a ki-imcip bangmah om lo hi.

Efesa 5:3

Numei tawh khialhna, lunggulh kihhuaina, apawl pawl huaihamnate, misiangthote in tan’ ding a kilawm ahih maninah kampau nangawnin kizom kei un.

Efesa 5:5

Bang hang hiam na cih uh leh, numei tawh a khial mi ahi zongin, mi kihhuai mi ahi zongin, milim bia mi ahi huaiham mi khat beek in Khazih leh Pasian’ Gam sungah luahna a ngah kei ding hi ci-in na thei uh hi.

Thu-hilhkikna 7:25

A kiseek amau pasian milimte mei tawh na hal ding uh hi; tua nate ah na awk khak loh nadingun amaute tunga a om kham leh ngun, deihgawh loin, note adingin na la kei ding uh hi; bang hang hiam cih leh tua in Topa na Pasian uh tungah a kihhuai ahi hi.

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

Jeim 1:15

Tua nung ciangin lunggulhna in gai-in mawhna a suak hi; mawhna in zong a kicin’ ciangin sihna a suak hi.

Joshua 7:20

Tua ciangin Akhan in Joshua dawngin, “A tak takin, Israel Topa Pasian tungah ka khial khin a, hih in keima gamtatna ahi hi;

Joshua 7:22

Tua ahih ciangin Joshua in kamtaite sawl a, amaute a puanbuk-ah va tai uh hi; en in, a puanbuk sungah a ngun nuainung-in a na kiseel hi.

2 PETER NIHNA 2:15

Amaute in thuman thutak lam pan pialin, a mangthang uh a, Beora’ tapa Balaam’ lampi a zui uh hi. Tua Balaam in a hoih lo gamtatna thaman deihgawh a,