Joshua 7:15 - Tedim Bible

¹⁵ Tua ciangin a ki-ap nate tawh a kila khawm mipa leh a neih khempeuh, mei-in kihal ding hi; bang hang hiam cih leh amah in Topa’ thuciamna palsat hi, Israel sungah a zumhuai na a sem ahi hi,’ ci in,” a ci hi.

Tedim Bible Revision 2017

¹⁵ Tua ciangin a ki-ap nate tawh a kilakhawm mipa le a neih khempeuh, mei-in kihal ding hi. Bang hang hiam cih leh amah in Topaʼ thuciamna palsat hi. Israel sungah a zumhuai-in a gamta ahi hi,’ ci in,” a ci hi.

Joshua 7:15 Iomraidhean Croise

Piancilna 34:7

Jakob’ tapate in tua thu a zak uh ciangin gam lak panin hong ciah uh hi; amaute lungkim loin heh mahmah uh hi, bang hang hiam cih leh Jakob’ tanu tawh a lup khop manin amah in Israel sungah haigamtatna hong tun’ hi, bang hang hiam cih leh tua bang hih ding a kilawm lo na ahi hi.

2 SAMUEL NIHNA 13:13

Keimah in ka maizumna koi-ah seelcip thei ding ka hi hiam? Nang zong, Israelte sungah mihai luate khat bang na hi ding hi. Tua ahih ciangin tu-in kong thum hi, kumpipa kiangah gen in; bang hang hiam cih leh amah in nang adingin kei hong khaktan lo ding hi,” a ci hi.

Joshua 7:11

Israel khial khin hi; amaute in ka thupiak thuciamna palsat khin uh hi; amaute in a ki-ap nate pawlkhat la uh hi; amaute in gu-in zuauthu gen uh a, amau van lakah tua nate koih uh hi.

Joshua 7:16

Tua ahih ciangin zingsangin Joshua tho baihin, a nam namin Israelte hong paipih a, Judah minam kila hi;

Thukhente 20:10

amaute in Israelte sungah ut luatna tawh a khialhna uh hangin Benjaminte gam Gibeah a thuk theih nadingun mite’ adingin annek tuidawn a pua dingin Israel minamte khempeuh sung panin mi zakhat sung pan mihing sawm, tulkhat sung pan zakhat, tulsawm sung pan tulkhat i la ding hi,” a ci uh hi.

Thukhente 20:5

Tua ciangin Gibeah mite kei langah hong ding uh a, zan-in kote’ omna innkiim-ah hong pang uh hi; amaute in kei hong that nuam uh a, ka zineu buan gawpin tu-in amah si hi.

Thukhente 20:6

Tua ciangin ka zineu la-in ka semnen a, Israelte' luah gam sung khempeuhah ka hawm hi; bang hang hiam cih leh amaute in Israelte lakah kihhuaina leh ut luat khialhna gamta uh hi.

1 SAMUEL MASA 26:21

Tua ciangin Saul in, “Ka gamta khial hi; hong ciahkik in; ka tapa David aw; bang hang hiam cih leh tu ni-in kei hong suaktasak na hih manin nang tungah siatna kong bawl nawn kei ding hi; en in, ka hai gamtat a, nakpi takin ka khial khin hi,” a ci hi.