Joshua 7:12 - Tedim Bible

¹² Tua thu hangin Israel mite in a galte uh nang zo lo uh hi; amaute suksiat ding mi, na suak khin uh ahih manin a galte uh mai-ah nungkikin, tai uh hi. Note lak panin a ki-ap nate na suksiat kei uh leh nang tawh kong omkhawm nawn kei ding hi.

Tedim Bible Revision 2017

¹² Tua thu hangin Israel mite in a galte uh nang zo lo uh hi. Amaute pen suksiat ding mi na suak khin uh ahih manin a galte uh mai ah nungkik uh hi. Noteʼ lak panin a ki-ap nate na suksiat kei uh leh note tawh kong om khawm nawn kei ding hi.

Joshua 7:12 Iomraidhean Croise

Late 44:10

Galte kiang panin kote nong nungkiksak a, ka galte un ka neihsa teng uh bu-luah khin uh hi.

Late 60:10

Pasian aw, nangmah in kote hong don lo khin hi lo na hi hiam? Pasian aw, komau’ galkapte tawh na kuankhia kei hi.

Paunak 28:1

Kuama delh lopi-in migilote taimang a, mi thumante ahih leh humpinelkai bangin hang uh hi.

Isaiah 59:2

ahih hangin note’ mawhnate in note leh na Pasian uh kikhenna piangsak a, amah in hong zak theih loh nadingin na khialhnate un ama maitang liah hi.

Jeremiah 23:33

Jeremiah aw, ka mite khat peuhpeuh in ahi zongin, kamsang khat ahi kei leh siampi khat peuhpeuh in ahi zongin, ‘Topa’ thugen in bang ahi hiam?’ ci-a hong dot leh nangmah in, ‘Topa’ thugen in nangmah na hi a, nang in vangik khat na hi hi. Topa in nang, kong paaikhia ding hi, hong ci hi,’ ci in la, gen in.

Jeremiah 6:8

Jerusalem khuapi aw, kidawm in! Na tua cih kei leh kong taisan ding a, kuama’ teen’ lohna gam simtham na suak kha ding hi,” a ci hi.

Hosea 9:12

Amaute in ta a khoi uh hangin suan-le-khak a neih theih ma-un ka khan’sihsak khin ding hi. Hih mite ka nungngat ciangin amaute tungah a lungkhamhuai lianpite tung ding hi.

Habakkuk 1:13

Ahi zongin hih a gilo zuautat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin, amaute sangin a dikzaw mite a suksiatna-ah, bang hangin daicip na hi hiam?

Gamlak-vakna 14:39

Moses in Israel mite khempeuh tungah hih thute gen a, nakpi-in mite thuum uh hi.

Gamlak-vakna 14:42

Na galte uh mai-ah note hong kisat puk kha ding ahih ciangin kuanto kei un, bang hang hiam cih leh note lakah Topa om lo hi.

Gamlak-vakna 14:43

Amalek mite leh Kanaan mite na mai uhah om ahih ciangin namsau tawh note na puk ding uh hi; Topa zuihna panin nungkik na hih uh ciangin note tawh Topa om lo ding hi,” a ci hi.

Gamlak-vakna 14:45

Tua ciangin mual tung gamah a teeng Amalek mite leh Kanaan mite hong paisuk uh a, amaute zoin Hormah ciang dong na ngawn ah amaute delh uh hi.

Thu-hilhkikna 7:26

Note’ inn sungah a kihhuai nate na tumpih kei ding uh a, tua nate tawh kibangin samsiat a thuak mi na kisuaksak kei ding uh hi; note in tua nate mudah mahmahin na kih ding uh hi; bang hang hiam cih leh tua nate in a kisamsia na ahi hi.

Joshua 6:18

Ahih hangin suksiat dingin a kiseh nate panin nomau mah na kikem ding uh hi, tua hi kei leh tuate na suksiat ding uh ciangin a kisusia ding nate khat peuhpeuh iplahin la kha-in Israelte’ giahphual siat nading na khat suaksakin haksatna na tun’ kha ding uh hi.

Thukhente 16:20

Tua nu in, “Filistia mite in nang hong hih, Samson!” a ci hi. A ihmutna panin amah khanglo-in, “Ni danga mah bangin pai khia-in keimah kisingin suakta ning,” a ci hi. Topa in amah a nusiat khit lam amah in thei lo hi.

Thukhente 2:14

Tua ahih ciangin Israelte tungah Topa’ hehna so a, amaute’ na a sut, mi na a sut thei mite tungah amaute pia hi; a kiim-a om a galte tungah amaute pia a, amaute in a galte uh nang zo nawn lo uh hi.

Thukhente 2:4

Topa vantungmi in hih thute Israel mite khempeuh tungah a gen ciangin, mite nakpi-in kap uh hi.

1 SAMUEL MASA 14:38

Tua ciangin Saul in, “Mi a makaite khempeuh aw, hih lai-ah hong pai un; hih mawhna tu ni-in hong pian’na thei un la mu un.