Joshua 6:4 - Tedim Bible

⁴ Siampi sagih in thuciamna singkuang mai-ah tuutal ki peengkul sagih tawi ding uh hi; a ni sagih ni-in khuapi kimkotah sagihvei na pai ding uh a, siampite in peengkul tum ding uh hi.

Tedim Bible Revision 2017

⁴ Siampi sagih in Thuciamna Singkuang mai ah tuutal ki peengkul sagih tawi ding uh hi. A ni sagih ni-in khuapi kimkot ah sagih vei na pai ding uh a, siampite in peengkul tum ding uh hi.

Joshua 6:4 Iomraidhean Croise

Piancilna 2:3

Tua ahih ciangin Pasian in ni sagih ni thupha pia-in siangthosak hi. Bang hang hiam cih leh pian’sak nasepna ama nasep khempeuh panin tua ni-in Pasian tawlnga hi.

1 KUMPI MASATE 18:43

Tua ciangin a nasempa kiangah, “Tu-in paito in, tuipi lam va en in,” a ci hi. Amah paito-in khuadak a, “Bangmah om lo hi,” a ci hi. Tua ciangin amah in, “Sagih vei paikik in,” a ci hi.

2 KUMPI NIHNATE 5:10

Tua ciangin Elisha in ama kiangah kamtai khat sawlin, “Pai in la, Jordan sungah sagih vei kisil in, tua ciangin nangma ci-le-sa a ngei hong bang kikin nang na siang ding hi,” ci sak hi.

2 KUMPI NIHNATE 5:14

Tua ahih ciangin Pasian’ mipa kamgen bangin amah paisukin Jordan sungah sagih vei kidiah hi; tua ciangin a ci-le-sa naupangno’ ci-le-sa bangin a ngei bang kikin amah siang hi.

2 KHANG TANGTHU NIHNATE 13:12

En un, kote’ lutang-in kote tawh Pasian hong omkhawm a, note a do ding sapna peengkul a tum dingin a siampite a galkap peengkulte tawh hong om uh hi. Israel’ mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

2 KHANG TANGTHU NIHNATE 20:17

Note in hih kidona-ah na do ding uh kisam lo hi; Judah gam mite leh Jerusalem khua mite aw, na panmun uh la-in taang loin ding un la, note taangin Topa’ gualzawhna mu un,’ ci hi. Kihta kei un la, lungkia kei un; zing ciangin amaute do-in pai un, Topa in note tawh hong om ding hi,” a ci hi.

2 KHANG TANGTHU NIHNATE 20:19

Tua ciangin Kohath mite, Korah mite sung pan Levi mite awging pha mahmah tawh Israel Pasian, Topa a phat dingin dingto uh hi.

2 KHANG TANGTHU NIHNATE 20:21

Amah in mite tawh thu a kikup khit ciangin, galkapte mai-ah amaute a pai kawmin, “ Topa tungah lungdamna ko un, bang hang hiam cih leh ama itna kip tawntung hi,” ci-in biakna puan silhin Topa tungah la sa-in amah a phat dingte seh hi.

JOB (Job) 42:8

Tu-in bawngtal sagih leh tuutal sagih la-in Job kiangah paipih un la, note’ adingin biakpiakna-in nei un. Job in note’ adingin thu hong ngetsak ding a, keimah in ama thungetna ka pia ding hi. Note’ haina zahin kong minsiasak kei ding hi. Note in Job’ gen bangin keima thu a manin na gen kei uh hi,” a ci hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Siampi Laibu 14:16

a veilam khut sunga om sathau sungah a taklam khutme diahin, a khutme tawh a sathau kimkhatte Topa mai-ah sagih vei theh ding hi.

Siampi Laibu 4:6

tua ciangin siampipa in si sungah a khutme diahin, biakinn dalna puan mai Topa mai-ah a si kimkhat sagih vei theh ding hi.

Zekhariah 4:2

Amah in, “Bang na mu hiam?” ci-in hong dong hi. Kei zong, “Kham tawh a kibawl meivakkhuam khat ka mu hi. Tua meivakkhuam in meivak sagih nei a, meivak tui koih nading hai khat zong a khuam dawnah om hi. Tua meivak sagihte in meivakkhau nei ciat uh hi.

Zekhariah 4:6

Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.

Gamlak-vakna 23:1

Tua ciangin Balaam in Balak kiangah, “Hih lai-ah kei adingin biakna tau sagih hong bawlsak in la, kei adingin bawngtal sagih leh tuutal sagih hong pia in,” a ci hi.

Joshua 6:13

Topa thuciamna singkuang mai-ah a pai tuutal ki peengkul sagih a tawi siampi sagihte paisuakin peengkulte tum suak uh hi; amaute mai-ah hiamtawite pai-in, peengkulte a kitum suak hun lai takin Topa thuciamna singkuang nungah a nungdalte pai uh hi.

Joshua 6:3

Khuapi kimkotah galkap mi khempeuh khatvei na pai ding uh hi. Tua bangin niguk sung na pai ding uh hi.

Joshua 6:5

Amaute in tuutal ki sauveipi a gin’sak uh ciangin, peengkul aw na zak phetun nakpi takin mi khempeuh awng ding uh hi; khuapi kulh cim mai ding a, mi khempeuh amau mai ciatah tang takin paisuak ding uh hi,” a ci hi.

Mangmuhna 1:20

Ka khut taklamah na muh aksi sagihte-a kipan kham meivak sagihte’ thu thukna na gelh in. Aksi sagihte in pawlpi sagihte’ vantungmite ahi uh hi. Meivak sagihte in pawlpi sagihte ahi uh hi.

Mangmuhna 1:4

Johan in Asia gamah a om pawlpi sagihte kiangah a zasak hi. Tu lai taka om, a om ngei, tu nung ciangin a hong pai lai ding pa’ kiang pan ahi zongin, ama tokhom mai-ah a om Kha Siangtho sagihte kiang pan ahi zongin, thuman teci pang ahi tham loin mi site lakah a suak masa bel hi a, leitung kumpite a ukpa ahi Zeisu Khazih kiang pan ahi zongin, hehpihna thupha leh nopna note tungah om ta hen. Eite hong it a, a sisan tawh eite mawhna pan hong phelkhia a,

Mangmuhna 10:3

humpinelkai a hawk bangin nakpi aw tawh kiko a, a kiko ciangin vanging sagihte in amau kam awte a gen uh hi.

Mangmuhna 15:1

Tua nung ciangin a lian mahmah nalamdang khat vantungah ka mu hi. Gimna nam sagih a nei vantungmi sagihte ahi uh hi. Tua gimnate in a nunung bel gimna ahi uh hi. Bang hang hiam na cih uh leh, Pasian’ hehna tua gimna tawh a kicing hi.

Mangmuhna 15:7

ganhing lite khat in vantungmi sagihte kiangah, a tawntung a nungta Pasian’ hehna tawh a dim kham hai sagih a pia hi.

Mangmuhna 16:1

Tua vantungmi sagihte kiangah, “Note pai un la, Pasian’ hehna hai sagihte leitungah bua un,” ci-in biakinnpi sung pan nakpi kiko aw ka za hi.

Mangmuhna 5:1

Tokhom tungah tu-in a om mi’ khut taklamah, ciamtehna sagih tawh kip taka kiciamteh a, a sung leh a pua a kigelhsa laibu khat ka mu hi.

Mangmuhna 5:6

Tua khit ciangin tokhom laizang, ganhingte laizang, upate laizangah leitung khempeuh ah a kisawl Pasian’ Kha Siangtho sagih ahi, ki sagih tawh, mittang sagih a nei, a kithatsa tawh kibang Tuuno ding-in a om ka mu hi.

Mangmuhna 8:2

Tua nung ciangin Pasian mai-ah ding-in a om vantungmi sagih ka mu hi. Tuate peengkul sagih a kipia hi.

Mangmuhna 8:6

Tua lai takin peengkul sagih a nei vantungmi sagihte in peengkul mut dingin a kisa khol hi.