Joshua 6:27 - Tedim Bible

²⁷ Tua ahih ciangin Joshua tawh Topa om hi; gam khempeuhah ama min a thang hi.

Tedim Bible Revision 2017

²⁷ Tua bangin Topa in Joshua ompih a, gam khempeuh ah ama min a thang hi.

Joshua 6:27 Iomraidhean Croise

Piancilna 39:21

Ahih hangin Topa in Josef ompihin ama' tungah itna kip lak a, thong kempa’ muhna-ah amah maipha pia hi.

2 SAMUEL NIHNA 7:9

na paina peuhpeuhah nang tawh kong om a, na mai panin na galte khempeuh ka khaktan hi; leitung miliante’ min khat mah bangin nang adingin min lian khat kong bawlsak ding hi.

1 KHANG TANGTHU MASATE 14:17

Tua ciangin David minthan’na in gam khempeuh zel a, Topa in minam khempeuh tungah amah kikihtakna tungsak hi.

Esther 9:4

Bang hang hiam cih leh kumpi inn sungah Mordekai ulianpi khat suak a, a vangliatna a khan’ semsem mah bangin gam khempeuh ah ama minthan’na kizel hi.

Mattiu 14:1

Tua lai takin Herod Kumpipa in Zeisu thu a zak ciangin,

Mattiu 18:20

Bang hang hiam na cih uh leh, nih bang thum bang ka min tawh a kikhop uh ciangin, amau laizangah ka om hi,” ci-in Zeisu in a gen hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

2 KORIN NIHNA 13:14

Topa Zeisu Khazih’ hehpihna thupha ahi zongin, Pasian hong itna ahi zongin, Kha Siangtho’ kihotheihna ahi zongin note khempeuh tawh omkhawm ta hen.

Thu-hilhkikna 31:6

Thahat un la, hang un, lau kei un la, amaute kihta kei un: bang hang hiam cih leh note tawh hong paipa in Topa na Pasian uh ahi hi; note hong cimawhsak lo ding a, hong nusia lo ding hi,” a ci hi.

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

2 TIMOTI NIHNA 4:22

Topa in na kha tawh omkhawm ta hen. Nangma tungah hehpihna thupha om ta hen.

Joshua 1:5

Na nuntak sung tawntung kuamah in na mai hong khak zo lo ding hi; Moses tawh ka om mah bangin nang tawh zong kong om ding hi; nang kong tamasak kei ding a, kong nusia kei ding hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 9:1

Jordan gal khat-a om mualtung gam leh lei niamna gam Lebanon lam Tuipi Lian dung khempeuhah a om kumpite, Hit mite, Amor mite, Kanaan mite, Perez mite, Hiv mite, leh Jebus mite in hih thu a zak uh ciangin,

Joshua 9:3

Ahih hangin Gibeon khua-a teeng mite in Jerikho leh Ai tungah Joshua hihnasa thu a zak uh ciangin,

Joshua 9:9

Amaute in ama kiangah, “Topa na Pasian uh min hangin a gamla mahmah gam panin na nasemte kong pai uh hi; bang hang hiam cih leh ama thu, leh Izipt gam sungah a hihte khempeuh,

Thukhente 1:19

Topa in Judah tawh om a, amah in mualtung gam teng luah hi; ahih hangin zang gam-a teeng mite amah in hawlkhia zo lo hi; bang hang hiam cih leh amaute in sik leeng nei uh hi.

1 SAMUEL MASA 18:14

David in a sepna khempeuh ah a maa tun’ hi; bang hang hiam cih leh Topa in amah ompih hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.