Joshua 6:18 - Tedim Bible

¹⁸ Ahih hangin suksiat dingin a kiseh nate panin nomau mah na kikem ding uh hi, tua hi kei leh tuate na suksiat ding uh ciangin a kisusia ding nate khat peuhpeuh iplahin la kha-in Israelte’ giahphual siat nading na khat suaksakin haksatna na tun’ kha ding uh hi.

Tedim Bible Revision 2017

¹⁸ Ahih hangin suksiat dingin a kiseh nate panin nomau mah na kikem ding uh hi. Tua hikeileh tuate na suksiat ding uh ciangin a kisusia ding nate khat peuhpeuh iplahin la kha-in Israel-teʼ giahphual sungah siat nading na khat suaksakin haksatna na tun kha ding uh hi.

Joshua 6:18 Iomraidhean Croise

2 SAMUEL NIHNA 21:1

Tu-in kum khat khit kum khat, David’ hun sungin kum thum sung kialpi tung hi; tua ciangin David in Topa’ kiangah thu dong hi. Tua ciangin Topa in, “Amah in Gibeon mite that ahih manin Saul leh a innkuan tungah mithah mawhna om hi,” a ci hi.

Thuhilh-sia 9:18

Galhiamte sangin pilna hoihzaw a, ahi zongin khialhna khat in a hoih tampi susia thei hi.

Jonah 1:12

Amah in, “Hong domto un la tuipi sungah hong khia un; tua hi leh no adingin tuipi a hong daai ding hi; bang hang hiam cih leh hih huihpi na thuakna uh keima’ hang ahi hi, cih ka thei hi,” ci-in a dawng kik hi.

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

2 KORIN NIHNA 6:17

Tua ahih ciangin: “Tua mite lak pan paikhia un la, a tuamin om un. A siangtho lote na lawng kei un.

Efesa 5:11

a gah nei lo khuamial gamtatna tawh kipawl lo tham loin, tua gamtatna a mawhna na lak un,

Thu-hilhkikna 13:17

-

Thu-hilhkikna 23:10

“Note lakah, zan sungin ama tungah thupiang hangin a siang lo mi a om leh giahphual pua lamah amah paikhia ding a, giahphual sungah hong pai lo ding hi;

Thu-hilhkikna 7:26

Note’ inn sungah a kihhuai nate na tumpih kei ding uh a, tua nate tawh kibangin samsiat a thuak mi na kisuaksak kei ding uh hi; note in tua nate mudah mahmahin na kih ding uh hi; bang hang hiam cih leh tua nate in a kisamsia na ahi hi.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Joshua 7:1

Ahih hangin Israel mite in a ki-ap nate tawh kisai-in zuautat uh hi; bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawlkhat la hi; tua ciangin Israel mite tungah Topa heh mahmah hi.

Joshua 7:13

Tho in, mite sian’suah in la, ‘Zing cianga dingin note’ kisian’ suah tawm un; bang hang hiam cih leh Israel Pasian Topa in, “Israel aw, note lakah a ki-ap nate om hi; note lak panin a ki-ap nate na lak khiat matengun na galte uh na nang zo kei ding uh hi,” a ci hi.

Joshua 7:15

Tua ciangin a ki-ap nate tawh a kila khawm mipa leh a neih khempeuh, mei-in kihal ding hi; bang hang hiam cih leh amah in Topa’ thuciamna palsat hi, Israel sungah a zumhuai na a sem ahi hi,’ ci in,” a ci hi.

Joshua 7:25

Tua ciangin Joshua in, “Bang hangin ko tungah gimna hong tun’na hi hiam? Tu ni-in Topa in nang tungah gimna hong tun’ hi,” a ci hi. Tua ciangin Israelte khempeuh in suang tawh amah deng uh hi; amaute in mei tawh amaute hal uh a, suang tawh amaute deng lum uh hi.

1 JOHAN MASA 5:21

Ka ta neute aw, milimte na tang un.

1 SAMUEL MASA 15:9

Ahih hangin Saul leh mite in Agag, leh a hoih pen tuute leh bawngtalte leh gannote, leh tuunote leh a hoih khempeuh khawi uh a, tuate thatmang lo uh hi; a kisimmawh bangmah a man lo khempeuh amaute in thatmang uh hi.