Joshua 6:17 - Tedim Bible

¹⁷ Khuapi leh a sunga omte khempeuh suksiat dingin Topa tungah kipia ding hi; amah in i sawl kamtaite na seel ahih manin numei paktat Rahab leh ama inn sungah amah tawh a om khawmte khempeuh bek hing ding hi.

Tedim Bible Revision 2017

¹⁷ Khuapi le a sunga omte khempeuh pen Topaʼ tungah biakna-in kisusia ding hi. Amah in i sawl kamtaite na seel ahih manin numei paktat Rahab le ama inn sungah amah tawh a om khawmte khempeuh bek hing ding hi.

Joshua 6:17 Iomraidhean Croise

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Ezra 10:8

leh ni thum sungin a hong tung lo a om leh uliante leh upate’ hoihsakna bangin a neihsa khempeuh kimanin, sal suaksa mihonte panin a kihawlkhiat theih nading thu taangkona khat kibawl hi.

Isaiah 34:6

Topa in namsau khat nei hi; sisan tawh kidim ding a, biakna piakna tuuno si leh keel si, tuutalte’ kalthau tawh a zol bang ding hi. Bang hang hiam cih leh Topa in Bozrah khua ah hih biakna piakna nei ding a, Edom gamah hih bang tampi thahna omsak ding hi.

Jeremiah 46:10

Bang hang hiam cih leh tu ni-in a vanglian Topa Pasian’ ni hi a, phu a lak kik ni, a galte a thuhkik ni ahi hi. Namsau in amaute that ding a, a kham mateng a si uh a dawn ding hi. Bang hang hiam cih leh a vanglian Topa Pasian in, Eufrates gun gei leilu lamah amaute biakna piakna-in a nei hi.

Ezekiel 39:17

Topa Pasian in kei kiangah, “Ezekiel aw, amaute’ adingin ka bawlsak biak piakna sa a ne dingin mun khempeuh panin vasa khempeuh leh ganhing khempeuh hong pai nadingun sam in. Israel mual tung gamah pawi lianpi mahmah khat om ding a, a duh zahzahun sa ne-in si dawn ding uh hi.

Siampi Laibu 27:21

a lo pen, jubili huna piak khiat ciangin, a ki-apsa lo mah bangin Topa tungah a siangtho hi ding hi; siampipa in tua lo tang ding hi.

Micah 4:13

Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

1 KORIN MASA 16:22

Mi khat peuhmah in Topa a it kei leh, tua mi in hamsiatna thuak ta hen. Topa hong pai hi!

1 KORIN MASA 2:7

Leitung pian’ ma-in eite minthan’ nadingin Pasian in a vaihawm kholh pilna ahi, Pasian’ pilna thu thukpi tawh ka hilh uh hi.

Galati 3:10

Thukham tawh kipawl gamtatna a suang mi khempeuh in hamsiatna nuai-a om mi ahi uh hi. Bang hang hiam na cih uh leh, “Thukham laibu sungah a kigelh thu khempeuh a zui tawntung lo mi khempeuh in hamsiatna a thuak uh hi,” ci-in Lai Siangtho sungah a kigelh hi.

Galati 3:12

Thukham in upna tawh a kikum kei hi. Bang hang hiam na cih uh leh, “Tua gamtatna a gamta mi in tua gamtatna hangin a nungta ding hi,” ci-in kigelh hi. Tua ahih ciangin Pasian mai-ah Thukham hangin kuamah in diktan’sakna a ngah zo kei ding hi.

Hebru 11:31

Numei gilo Rahab in gam ente zawlin manin a inn tungsak ahih manin thungai lote tawh kisia khawm loin, upna tawh a suakta hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Jeim 2:25

Tua mah bangin numei gilo Rahab in sawltakte a tun’sak khit ciangin lam tuam khatah a ciahsak maninah gamtatna hoih hangin dikkisakna ngah hilo a hi hiam?

Joshua 2:1

Tua ciangin Nun tapa Joshua in Shittim panin thukanin mi nih sawl sim a, “Pai-in gam va en un la, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ innah tungin giak uh hi.

Joshua 2:22

Amaute paikhia-in, mual tungah pai uh a, a delhte a ciahkik mateng nithum sung om uh hi; bang hang hiam cih leh a delhte in lam dung khempeuh zongin bangmah mu lo uh hi.

Joshua 7:1

Ahih hangin Israel mite in a ki-ap nate tawh kisai-in zuautat uh hi; bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawlkhat la hi; tua ciangin Israel mite tungah Topa heh mahmah hi.

1 SAMUEL MASA 15:3

Tu-in pai-in Amalek mite vatgawp un la, amaute’ neih khempeuh susia mang khin un; amaute siit loin, numei leh pasal, naupang leh nawine laite, bawngte leh tuu, kalaoh leh la, that un,’ ci hi,” a ci hi.

1 SAMUEL MASA 15:6

Tua ciangin Saul in Ken mite kiangah, “Pai un, kihemkhia un, Amalekte lak panin paikhia suk un, tua hi kei leh note amaute tawh kong susia khawm kha ding hi; bang hang hiam cih leh Izipt panin amaute hong paikhiat lai-in Israel mite khempeuh tungah migitna na lak uh hi,” a ci hi. Tua ahih ciangin Amalekte lak panin Kente kihemkhia uh hi.