Joshua 6:14 - Tedim Bible

¹⁴ A ninih ni-in khuapi kimkotah khatvei pai uh a, giahphualah ciahkik uh hi. Tua bangin niguk sung hih uh hi.

Tedim Bible Revision 2017

¹⁴ A ni nih ni-in khuapi kimkot ah khatvei pai uh a, giahphual ah ciahkik uh hi. Tua bangin ni guk sung a hih uh hi.

Joshua 6:14 Iomraidhean Croise

Joshua 6:11

Tua ahih ciangin amah in Topa thuciamna singkuang khuapi kimkotah khatvei paisak hi; amaute giahphual-ah hong ciahin giahphualah a zan giak uh hi.

Joshua 6:13

Topa thuciamna singkuang mai-ah a pai tuutal ki peengkul sagih a tawi siampi sagihte paisuakin peengkulte tum suak uh hi; amaute mai-ah hiamtawite pai-in, peengkulte a kitum suak hun lai takin Topa thuciamna singkuang nungah a nungdalte pai uh hi.

Joshua 6:15

A ni sagih ni-in khuavak tungin tho baih uh a, tua mah bangin khuapi kimkotah sagihvei pai uh hi; tua ni bekin khuapi kimkotah amaute sagihvei pai uh hi.

Joshua 6:3

Khuapi kimkotah galkap mi khempeuh khatvei na pai ding uh hi. Tua bangin niguk sung na pai ding uh hi.