Joshua 6:13 - Tedim Bible

¹³ Topa thuciamna singkuang mai-ah a pai tuutal ki peengkul sagih a tawi siampi sagihte paisuakin peengkulte tum suak uh hi; amaute mai-ah hiamtawite pai-in, peengkulte a kitum suak hun lai takin Topa thuciamna singkuang nungah a nungdalte pai uh hi.

Tedim Bible Revision 2017

¹³ Topaʼ Thuciamna Singkuang mai ah a pai tuutal ki peengkul sagih a tawi siampi sagihte pai suakin peengkulte tum suak uh hi. Amauteʼ mai ah hiam tawite pai-in, peengkulte a kitum suak hun laitakin Topaʼ Thuciamna Singkuang nungah a nungdalte a pai uh hi.

Joshua 6:13 Iomraidhean Croise

1 KHANG TANGTHU MASATE 15:26

Pasian in Topa’ thuciamna singkuang a pua Levi mite huh ahih manin amaute in bawngtal sagih leh tuutal sagih biakna-in pia uh hi.

Gamlak-vakna 10:25

Tua ciangin giahphualte khempeuh’ nung dalin Dan mite’ giahphual dialkhai a neite a pawl pawlin ding khia uh hi; tua mi honte Ammishaddai’ tapa Ahiezer in uk hi.

Mattiu 24:13

A bei dongin a kipte in gupna a ngah ding uh hi.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

Joshua 6:12

Tua ciangin zingsangin Joshua thobaih a, siampite in Topa thuciamna singkuang la uh hi.

Joshua 6:14

A ninih ni-in khuapi kimkotah khatvei pai uh a, giahphualah ciahkik uh hi. Tua bangin niguk sung hih uh hi.

Joshua 6:4

Siampi sagih in thuciamna singkuang mai-ah tuutal ki peengkul sagih tawi ding uh hi; a ni sagih ni-in khuapi kimkotah sagihvei na pai ding uh a, siampite in peengkul tum ding uh hi.

Joshua 6:9

Tua ciangin peengkul a tum siampite mai-ah hiamtawi mite pai uh a, peengkulte a kitum suak hun lai takin thuciamna singkuang nungah a nungdalte pai uh hi.