Joshua 5:13 - Tedim Bible

¹³ Jerikho khua kiangah Joshua a tun’ ciangin a mitte sangsak in khuadak a, en in, a khut sungah namsau dawhsa tawh mi khat a mai-ah na ding hi; ama kiangah Joshua pai-in, “Ko pawl na hi hiam, ahih kei leh ka langte pawl na hi hiam?” a ci hi.

Tedim Bible Revision 2017

¹³ Jerikho khua kiangah Joshua a tun ciangin a khuadak toh leh, a khut sungah namsau dawh sa tawh mi khat a mai ah na ding hi. Ama kiangah Joshua pai-in, “Koʼ pawl na hi hiam, ahih kei leh ka langteʼ pawl na hi hiam?” a ci hi.

Joshua 5:13 Iomraidhean Croise

Piancilna 18:1

Abraham a puanbuk kongkhak-ah sun nisat laitak, tu-in a om lai takin Mamre tawsawte' gei-ah ama' tungah Topa kilang hi.

Piancilna 18:2

Amah khuadak to hi, en in, mi thum ama' mai-ah na ding hi. Amah in amaute a muh ciangin amaute' dawn dingin puanbuk kongkhak panin va tai a, lei lakah kun sukin,

Piancilna 28:16

Tua ciangin a ihmutna panin Jakob khanglo a, “Hih lai munah Topa om taktak hi; keimah in tua thu ka thei kei hi,” ci hi.

Piancilna 33:1

Jakob khuadak a, en in, Esau hong pai a, amah tawh mihing zali hong pai mu hi. Tua ahih ciangin amah in Leah leh Rachel leh numei-nasem nihte lakah naupangte khen hi.

Piancilna 33:5

Esau khuadak to-in nupite leh naupangte a muh ciangin, amah in, “Nang tawh a om hihte kuate ahi hiam?” ci hi. Jakob in, “Pasian in hehpihna tawh na nasempa a piak tate ahi hi,” ci hi.

1 KHANG TANGTHU MASATE 12:22

Pasian’ galkap hon bangin galkap hon tampi a phak dongin a ni ni-in David huh dingin mi hong pai pai hi.

1 KHANG TANGTHU MASATE 21:27

Tua ciangin Topa’ thupiakna tawh vantungmi in a namsau a pai sungah siat kik hi.

1 KHANG TANGTHU MASATE 21:30

ahih hangin amah in Topa’ vantungmi’ namsau kihta ahih manin Pasian’ tungah thu a dong dingin tua lai-ah David pai ngam lo hi.

Paikhiatna 23:23

“Note’ mai-ah ka vantungmi pai-in Amor mite, Hit mite, Perez mite, Kanaan mite, Hiv mite leh Jebus mite' kiangah note hong paipihin, keimah in amaute ka phiatkhiat ciangin,

Daniel 10:5

Ka tung lam ka ettoh leh puanpak silh-a kham kawnggak tawh a kawng a gak mi khat ka mu hi.

Daniel 8:3

Ka khuadak toh leh gun gei-ah tuutal khat ding-a om ka mu hi. Amah in a sau mahmah ki nih nei a, a ki po nunung pen a po masa sangin a sauzaw hi.

Zekhariah 1:8

Topa’ vantungmi khat, sakol san khat tungah a tuang ka mu hi. Kuam sunga om mui singkungte lakah amah khawl a, ama nungah sakol dang a san, a gial, a kang om hi.

Gamlak-vakna 22:23

A la in Topa’ vantungmi a khut sungah namsau dawhsa tawi-in lampi ah a ding mu hi; lampi panin lam pialin gam lakah pai hi; Balaam in lampi ah a paikik nadingin a la sat hi.

Gamlak-vakna 22:31

Tua ciangin Topa in Balaam’ mitte hon’sak a, a khut sungah namsau dawhsa tawh Topa’ vantungmi lampi ah a ding mu hi; a lu kunin boksuk hi.

Sawltak 1:10

Zeisu a paito amaute in vantungah a et cian lai takun, mi nih in puanpaak silhin amau kiangah dingin,

Joshua 6:2

Tua ciangin Topa in Joshua kiangah, “Thei in, na khut sungah a kumpipa leh a mi thahatte tawh Jerikho kong pia khin hi.

Mangmuhna 1:13

tua meivak sagih laizang ah mihing tapa tawh kibang mi khat ahi zongin ka mu hi. Tua mi in a khe dongin puanza silhin, a awmah kham kawnggak gakin,

Thukhente 13:11

Tua ciangin Manoah ding-in a zi zui a, a mipa kiangah pai-in ama kiangah, “Hih nu kiangah, thu genpa in nang na hi hiam?” a ci hi. Amah in, “Ka hi hi,” a ci hi.

Thukhente 13:22

Manoah in a zi kiangah, “Pasian mu khin i hih manin i si taktak ding hi,” a ci hi.