Joshua 4:9 - Tedim Bible

⁹ Tua ciangin Joshua in thuciamna singkuang a pua siampite’ khe a din’nasa mun, Jordan laizangah tua suang sawm-le-nihte phut hi; tu ni dongin tuate tua mun mahah om lai hi.

Tedim Bible Revision 2017

⁹ Tua ciangin Joshua in Thuciamna Singkuang a pua siampiteʼ khe a dinnasa mun, Jordan laizang ah zong suang sawm le nih mah a phut hi. Tu ni dongin tua suangte tua mun mahah om lai hi.

Joshua 4:9 Iomraidhean Croise

Piancilna 26:33

Amah in tua pen Shibah ci-in min phuak hi; tua ahih ciangin tua khuapi min pen tu ni dongin Be-ersheba kici hi.

Piancilna 28:18

Tua ahih ciangin zingsangin Jakob tho baih a, amah in lukham-a a zat suang la-in khuam-in phut a, a tungah sathau sung hi.

2 SAMUEL NIHNA 4:3

Be-eroth mite Gittaim-ah tai uh a, tu ni dongin tua lai-ah peemta-in om uh hi).

1 KUMPI MASATE 18:31

“Israel in nangma min hi ding hi,” ci-in Topa’ thu a tun’na Jakob tapa minam sawm-le-nihte tawh kizui-in Elijah in suangtum sawm-le-nih la hi;

2 KHANG TANGTHU NIHNATE 5:9

A zawlte sau ahih manin siangtho mun panin biakinn sungnung mai-ah a mongte kidawk hi; ahih hangin a pua lam panin kimu thei lo hi; tu ni dongin tua lai-ah tuate om hi.

Paikhiatna 24:12

Topa in Moses kiangah, “Keima' kiang mual tungah hong paito in la, tua lai-ah ngak in; amaute a kihilh nadingin keima' gelhsa, thukham leh thupiakna tawh, suangpeekte nang' tungah kong pia ding hi,” a ci hi.

Paikhiatna 28:21

Israel tapate’ min tawh kituakin amaute’ min a omna suang sawm-le-nih om ding hi; tuate in minam sawm-le-nihte’ adingin amau’ min ciat kigelhin, min gelhna tawh kibang ding hi.

Mattiu 27:8

Tua ahih ciangin tudongin tua lei in ‘Si Lei’ a kici hi.

Mattiu 28:15

Galkapte in dangka sang uh a, thu a kihilh bangin a gen uh a; tua thu Judah mite lakah kizelin tudongin a um uh hi.

Thu-hilhkikna 34:6

Bethpeor gal khat, Moab gam kuamah amah kiphum hi; ahih hangin tuhun dongin amah a kiphumna mun kuamah in thei lo hi.

Joshua 24:26

Tua ciangin Joshua in Pasian’ thukham laibu sungah hih kammalte gelh hi; amah in suangtum lianpi khat la-in Topa’ biakinn sung tawsaw nuai-ah phut hi.

Joshua 4:10

Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiakte khempeuh a vekpi-in a kiman’ khit matengin Jordan laizangah thuciamna singkuang a pua siampite ding uh hi. Mite nawhsa-in galkah uh hi;

Thukhente 1:26

Tua ciangin Hit mite gamah tua mipa pai-in khuapi khat sat a, a min pen Luz ci-in phuak hi; tu dongin tua khua min in tua mah ahi hi.

1 SAMUEL MASA 30:25

Tua ni-a kipanin tu ni dongin amah in Israelte adingin thukham leh biakna ngeina kipin bawl hi.

1 SAMUEL MASA 7:12

Tua ciangin Samuel in suangtum khat la-in Mizpah leh Jeshanah kikalah phut a, a min Ebenezer phuak hi; bang hang hiam cih leh amah in, “Tu ciangciang Topa in eite hong huh hi,” a ci hi.