Joshua 4:6 - Tedim Bible

⁶ hong tung ding hunah na tate un, ‘Hih suangtumte bang a cih nopna ahi hiam?’ ci-in hong dot ciangin note lakah lim khat hi ding hi.

Tedim Bible Revision 2017

⁶ Hong tung ding hunah na tate un, ‘Hih suangtumte bang a cihnopna ahi hiam?’ ci-in hong dot ciangin noteʼ lakah lim khat hi ding hi.

Joshua 4:6 Iomraidhean Croise

Late 44:1

Pasian aw, ka pu ka pate uh hun lai-a na hihna sate, amaute in kote tungah hong gen uh a, kote in ka bil uh tawh ka za khin uh hi.

Late 71:18

Tua ahih ciangin Pasian aw, hong piang lai ding mite khempeuh tungah nangma hatna ka gen khit matengin, teek-a ka sam a kaan’ hun ciang dong nangawn-in kei hong nusia kei in.

Paikhiatna 12:14

“Hih ni in note adingin phawkna ni hi ding hi, note in Topa' tungah pawi bawlna ni-in na nei ding uh hi; na khang tawntungun note in biakna ngeina kip khatin na nei tawntung ding uh hi.

Paikhiatna 13:14

Hong pai ding hunah na tapa in, ‘Hih in bang a cih nopna ahi hiam?’ ci-in nang hong dot ciangin, nangmah in ama' kiangah, ‘Salsuahna, Izipt panin Topa in vangliatna tawh eite hong paikhiatpih hi.

Paikhiatna 13:9

Na kam in Topa’ thu kham a gen tawntung theihna dingin hih in na khut tungah lim, na mitte kikalah phawkna khat hi ding hi; bang hang hiam cih leh Topa in a vangliatna khut tawh hih mun panin nang hong paikhiatpih hi.

Paikhiatna 31:13

“Israel mite' tungah gen in, ‘Note in keima' sabbathte na tang ding uh hi, bang hang hiam cih leh hih in keimah, Topa in note a hong siangthosak ka hihna na theih nadingun na khang tawntungun keimah leh note' kikal-ah lim khat ahi hi.

Isaiah 38:19

Tu ni-a keima bawl bangin, a hing mi, a hing mi bekin nang tungah lungdamna hong ko thei hi; pate in tate tungah nangma thumanna gen sawn uh hi.

Isaiah 55:13

Ling tangin taksing hong po ding a, lingkung tangin mui kung hong po ding hi; tua pen Topa’ adingin phawk tawntungna, a kilakhia lo ding a tawntunga om lim khat hi ding hi,” a ci hi.

Ezekiel 20:12

Topa ahi keimah in amaute pen misiangtho in ka bawlna thu a phawk nadingun kote’ kikalah thukimna limin sabbathte tan’ ding thu ka pia hi.

Ezekiel 20:20

Keimah in Topa ahi note’ Pasian ka hihna na phawk nading uh leh note tawh i bawlsa thukimna lim dingin sabbathte na siangthosak un,’ ka ci hi.

Gamlak-vakna 16:38

amau’ nuntakna a beina dongin a khial hih mite’ paknamtui beelte siangtho hi; tua ahih ciangin biakna tau sitna kuangdai dingin seek un; bang hang hiam cih leh amaute in Topa mai-ah tuate pia uh hi; tua ahih ciangin tua nate siangtho hi. Israel mite tungah tua bangin hih nate in lim khat hi ding hi,” a ci hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Thu-hilhkikna 11:19

Na tate uh tungah na hilh ding uh a, na inn sung uhah na tut laitak, lampi ah na pai laitak, leh na lup ciang leh na thawh ciangun tuate genin na nei ding uh hi.

Joshua 4:21

Tua ciangin amah in Israel mite kiangah, “Hong tung ding hunah na tate un a pate uh kiangah, ‘Hih suangte bang a cih nopna ahi hiam?’ ci-in a dot ciangin,

Joshua 4:5

Joshua in amaute kiangah, “Topa na Pasian uh thuciamna singkuang mai-ah Jordan laizangah pai un la, note in Israel minam pha zah tawh kizui-in suangtum khat ciat la-in na liangko tung uh ah pua un;