Joshua 4:24 - Tedim Bible

²⁴ Topa’ khut vanglian hi, ci-in leitung mi khempeuh in a theih nading ahi hi; Topa na Pasian uh na zahtak tawntung theih nading uh ahi hi,” a ci hi.

Tedim Bible Revision 2017

²⁴ Topa vanglian mahmah hi, ci-in leitung mi khempeuh in a theih nading le Topa na Pasian uh na zahtak tawntung theih nading uh ahi hi,” a ci hi.

Joshua 4:24 Iomraidhean Croise

1 KUMPI MASATE 8:40

ka pu ka pate uh tungah na piak leitang tungah a nuntak hun sung khempeuh uh amaute in nang hong zahtak ding uh hi.

1 KUMPI MASATE 8:60

leitung mi khempeuh in Topa in Pasian hi, kuamah dang om lo hi, ci-in thei ding uh hi.

2 KUMPI NIHNATE 19:19

Tua ahih ciangin tu-in, Topa kote’ Pasian aw, leitung kumpi gam khempeuh in nang, nang bek Pasian na hihna a theih nadingun ama khut panin kote hong honkhia in, kong thum hi, Topa aw,” a ci hi.

2 KUMPI NIHNATE 5:15

Tua ciangin Pasian’ mipa kiangah amah leh a pawlte khempeuh kileh kikin amah hong pai-in ama mai-ah ding hi; tua ciangin amah in, “En in, leitung khempeuhah Pasian om loin, Israel sungah om hi, ci-in ka thei hi; tua ahih ciangin tu-in na nasempa tung panin letsong khat hong sang in,” a ci hi.

1 KHANG TANGTHU MASATE 29:12

Hauhna leh minphatna nangma kiang pan hong pai a, nangmah in na khempeuh tungah na uk hi. Na khut sungah vangliatna leh thahatna om hi; liatsak nading leh thakhauhsak nading na khut sungah om hi.

JOB (Job) 40:9

Kei zahin nang hat na hi hiam? Kei’ awging zahin nang aa ging zo ding ahi hiam?

Late 106:8

Ahi zongin amah in, a lian mahmah ama vangliatna a kitheihsak nadingin, ama min a ngaihsutna-in amaute honkhia hi.

Late 89:13

Nangma vang lian mahmah a, na thahatna kigen thei lo hi.

Paikhiatna 14:31

Israelte in Izipt mite' tungah Topa’ bawl nasepna lianpi mu uh a, mite in Topa zahtak uh hi; amaute in Topa leh ama' nasem Moses um uh hi.

Paikhiatna 15:16

Launa leh kihtakna amau' tungah tung a, nangmah' thahat vangliatna hangin amaute suangtum bangin taang loin om uh a, Topa aw, nangma' mite in a khen’ mateng, nangma' leisa mite in a khen’ mateng, amaute khikcip uh hi.

Paikhiatna 20:20

Moses in mite' kiangah, “Lau kei un; bang hang hiam cih leh note na khialh khak loh nadingun note in amah na kihtak theih nadingun note a entel dingin Pasian hong pai ahi hi,” a ci hi.

Paikhiatna 9:16

ahih hangin leitung khempeuhah keima' min a kipulak theih nadingin nang' tungah ka vangliatna lah ding deihna-in nang kong nungtasak hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Jeremiah 32:40

Amaute’ tungah a tawntungin hoihna ka bawl det nadingin amaute tawh tawntung thuciamna khat ka bawl ding hi. Kei’ kiang panin a kiheikhiat loh nadingun amaute’ sungah kei hong zahtakna lungsim ka koih ding hi.

Thu-hilhkikna 28:10

Topa’ min tawh note hong kisapna thu leitung mi khempeuh in thei ding uh hi; amaute in note hong kihta ding uh hi.

1 SAMUEL MASA 17:46

Tu ni-in Topa in ka khut sungah nang hong pia ding a, keimah in nang hong sattukin na lu ka tankhia ding hi; tua ciangin tu ni-in huih lak vasate leh leitung ganhingte tungah Filistia mi a site’ luanghawmte ka pia ding hi; Israelte sungah Pasian khat a om lam leitung mi khempeuh in a theih nading,