Joshua 4:23 - Tedim Bible

²³ Bang hang hiam cih leh eite in i kantan khit matengin Topa na Pasian un a keusak San Tuipi tungah a bawl bangin, note in na kantan khit matengun Topa na Pasian un Jordan tuite note adingin keusak hi;

Tedim Bible Revision 2017

²³ Bang hang hiam cih leh eite in i kantan khit matengin Topa na Pasian un a kansak San Tuipi tungah a bawl bangin, note in na kantan khit matengun Topa na Pasian un Jordan tuite note adingin kangsak hi.

Joshua 4:23 Iomraidhean Croise

1 KUMPI MASATE 8:43

na ten’na vantung panin za in la, tua gamdang mipa in nang tungah hong ngetna khempeuh tawh kizui-in hih in; nangma mi Israelte mah bangin leitung mi khempeuh in na min thei-in nang hong zahtak nading, leh hih ka lamsa inn in nangma min tawh a kilo a hihna a theih nading uh ahi hi.

Nehemiah 9:11

Amaute’ mai-ah tuipi phelkham na hih manin tuipi laizang leikeu tungah amaute paisuak uh a, ahi zongin tuilianpi sunga suang lot bangin tui thukna sungah amau a delhte na lawn hi.

Late 78:13

Amah in tuipi khenkhia-in amaute kantansak a, tuite a lompi-in omsak hi.

Paikhiatna 14:21

Tua ciangin Moses in tuipi tungah a khut zan hi; Topa in zan tawntung nisuahna huihpi hat tawh tuipi leh luan’sakin, tuipi pen leikeu-in bawl a, tuite kikhen hi.

Paikhiatna 15:19

Bang hang hiam cih leh Faro’ sakolte ama' leengte tawh, a sakol tuangte tuipi sungah a pai ciangin, Topa in tuipi tuite amaute tuumsak kik hi; ahih hangin Israel mite tuipi laizang leikeu tungah pai uh hi.

Isaiah 43:16

Tuipi sungah lampi bawlin, tui lianpi sungah pai nading sul bawl a, leeng leh sakolte, kaikhia in, galkapte leh galhangte a paikhiatpih; amaute a tho thei nawn lo dingin a lum sak, amaute pen meivak khau kisumit bangin a mitsak Topa in hih bangin ci hi: