Joshua 4:12 - Tedim Bible

¹² Moses in amaute a sawlsa bangin Israel mite mai-ah hiam tawi-in Reuben minamte leh Gad minamte leh Manasseh minam a langte na ma pai uh hi;

Tedim Bible Revision 2017

¹² Moses in amaute a sawl sa bangin Israel mite mai ah hiam tawi-in Reuben minamte, Gad minamte le Manasseh minam a langte na ma pai uh a,

Joshua 4:12 Iomraidhean Croise

Paikhiatna 13:18

Ahih hangin Pasian in San Tuipi lam manawhin gamlak lamah mite kot paipih hi. Israel mite galdo dingin kithawisa-in Izipt leitang panin pai to uh hi.

Gamlak-vakna 1:24

Gad mi, a suan a khakte, kum sawmnih panin a tungsiah a min phazah tawh kizui-in a innkuankuan, a beh beh-in galdo dingin a kuan thei khempeuh:

Gamlak-vakna 32:17

ahih hangin kote in hiam tawi-in amau’ munah Israel mite ka tun’pih mateng uh amau mai-ah a pai dingin ka kiging ding uh hi; tua kikal sungin hih gam sungah a teeng mite kiang pan kihut nadingin ka zi ka tate uh khuapi muanhuai sungah a na om ding uh kisam hi.

Thu-hilhkikna 3:18

“Tua hunin note thu kong pia a, ‘Topa na Pasian un na neih dingun hih leitang hong pia zo hi; na galhang mite khempeuh uh galhiam tawh kithawi-in Israel mi na sanggamte uh mai-ah va kuan ding hi.

Thu-hilhkikna 33:21

Amah in lei hoihpenna mun ama adingin teel hi; bang hang hiam cih leh a ukpa’ tanh kikoihcing sak hi; mi makaite’ ngahte mah amah zong kingahsak a, amah in Israel tawh Topa’ thupiakna leh thuman khennate a sem hi,” a ci hi.

Joshua 1:14

Moses in Jordan gal khata note hong piak leitangah na zite, na taneute, leh na ganhingte uh a na om ding uh hi; ahih hangin note lakah galhang mi khempeuh in hiam tawi-in Jordan kantanin na sanggamte uh mai-ah pai-in,

Joshua 4:11

mite khempeuh a galkah khit uh ciangin Topa thuciamna singkuang leh siampite, mite mai-ah na ma pai uh hi.

Joshua 4:13

mi tul sawmli bang gal do dingin hiam tawi-in a baihsa-in Jerikho zanglei lamah Topa mai-ah pai uh hi.