Joshua 4:10 - Tedim Bible

¹⁰ Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiakte khempeuh a vekpi-in a kiman’ khit matengin Jordan laizangah thuciamna singkuang a pua siampite ding uh hi. Mite nawhsa-in galkah uh hi;

Tedim Bible Revision 2017

¹⁰ Bang hang hiam cih leh Moses in Joshua a thupiak bangin mite tungah a gen dingin Topa in Joshua a thupiak khempeuh a vekpi-in a kiman khit matengin Jordan laizang ah Thuciamna Singkuang a pua siampite a ding uh hi. Mite nawhsa-in gal kah uh hi.

Joshua 4:10 Iomraidhean Croise

Late 119:60

kei kinawhin, nangma thupiaknate zuih ding ka zekai kei hi.

Paikhiatna 12:39

Izipt panin a ken’ uh annel lom panin amaute in silngo sawhloh moh em uh hi, tuate silngo kisawh lo hi, bang hang hiam cih leh, Izipt panin amaute kisawnkhia a, zia-ol tat thei loin amau’ annek ding zong kiging man lo uh hi.

Paunak 27:1

Zing ciang hun-a ding kima-sialh kei in, tu leh tua hun kikal-a piang ding na thei kei hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi: Tua suang tungah, ‘Hih a um mi in lungkhamna tuak lo ding hi,” ci-in kigelh hi.

2 KORIN NIHNA 6:2

Bang hang hiam na cih uh leh: “A kilawm hun ciangin nangma kam ka ngai hi, gupna ni ciangin nang kong huh hi,” Pasian in a cih mah bangin tu laitak in a kilawm hun ahi hi, tu laitak in gupna ni hun ahi hi.

Thu-hilhkikna 31:9

Moses in hih thukham gelhin, Topa’ thuciamna singkuang a pua Levi mi siampite leh Israel upate khempeuh tungah pia hi.

Joshua 24:11

Tua ahih ciangin Jordan galkhatah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite, leh Jebus mite in zong hong do uh hi; note khut sungah amaute kong pia hi.

Joshua 3:13

Leitung buppi’ Topa ahi Topa’ thuciamna singkuang a pua siampite’ khete in Jordan tui a siik ciangin Jordan tuite luang nawn lo ding a, a tung lam panin hong luangsuk tuite lom khatin khawl ding hi,” a ci hi.

Joshua 4:11

mite khempeuh a galkah khit uh ciangin Topa thuciamna singkuang leh siampite, mite mai-ah na ma pai uh hi.

Joshua 4:9

Tua ciangin Joshua in thuciamna singkuang a pua siampite’ khe a din’nasa mun, Jordan laizangah tua suang sawm-le-nihte phut hi; tu ni dongin tuate tua mun mahah om lai hi.