Joshua 3:14 - Tedim Bible

¹⁴ Tua ahih ciangin mite mai-ah thuciamna singkuang a pua siampite tawh Jordah galkah dingin a puanbuk uh panin mite ding khia-in,

Tedim Bible Revision 2017

¹⁴ Tua ahih ciangin miteʼ mai ah Thuciamna Singkuang a pua siampite tawh Jordan gal kah dingin a puanbuk uh panin mite ding khia-in,

Joshua 3:14 Iomraidhean Croise

Late 132:8

Topa aw, tho in la a vanglian na thuciamna singkuang tawh na omna munah hong pai in.

Jeremiah 3:16

Tua hun ciangin gam sungah note pungin na tam uh ciangin Topa in kong cih-inah, mite in, “Topa’ thuciamna singkuang” ci-in genin a nei nawn kei ding uh hi. Amaute in ngaihsun kha lo ding uh a, phawk kha loin, zong a goih beek kei ding uh hi. Tham loin zong a kibawl kik nawn kei ding hi.

Thu-hilhkikna 31:26

“Hih thukham laibu la un la, note lang khatah teci dingin a om theih nadingin Topa na Pasian uh thuciamna singkuang gei-ah koih un.

Hebru 9:4

Tua dei sungah paknamtui halna, kham tawh a kizut thuciamna singkuangte a om uh hi. Tua singkuang sungah mana koihna kham beel tawh, a paak a paak Aaron’ ciangkhut tawh, thuciamna kigelhna suangpeekte a om uh hi.

Joshua 24:11

Tua ahih ciangin Jordan galkhatah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite, leh Jebus mite in zong hong do uh hi; note khut sungah amaute kong pia hi.

Joshua 3:3

mite thu pia-in, “Topa na Pasian uh thuciamna singkuang Levi mi siampite in a puak na muh uh ciangin na omna mun panun ding khia-in na zui ding uh hi,

Joshua 3:6

Tua ciangin Joshua in siampite kiangah, “Thuciamna singkuang la un la, mite mai-ah paisuak un,” a ci hi. Amaute in thuciamna singkuang la uh a, mite mai-ah pai uh hi.

Joshua 6:6

Tua ahih ciangin Nun tapa Joshua in siampite samin amaute kiangah, “Thuciamna singkuang la un la, tua Topa thuciamna singkuang mai-ah siampi sagihte tuutal ki peengkul sagih tawisak un,” a ci hi.