Joshua 24:6 - Tedim Bible

⁶ Tua ciangin Izipt panin na pu na pate uh ka pai khiatpih a, tuipi na tung uh hi; Izipt mite in leeng leh sakol tuangte tawh na pu na pate uh San Tuipi-ah delh uh hi.

Tedim Bible Revision 2017

⁶ Egypt panin na pu na pate uh ka paikhiatpih a, tuipi a tung uh hi. Egypt mite in leeng le sakol tung tuangte tawh na pu na pate uh San Tuipi ah delh uh hi.

Joshua 24:6 Iomraidhean Croise

Nehemiah 9:11

Amaute’ mai-ah tuipi phelkham na hih manin tuipi laizang leikeu tungah amaute paisuak uh a, ahi zongin tuilianpi sunga suang lot bangin tui thukna sungah amau a delhte na lawn hi.

Late 78:13

Amah in tuipi khenkhia-in amaute kantansak a, tuite a lompi-in omsak hi.

Paikhiatna 12:37

Israel mite numei leh naupang kisim loin pasal tul za guk Rameses panin Sukkoth-ah khe-in pai uh hi.

Paikhiatna 12:51

Tua ni teekteekin Topa in Israel mite a honpi-un Izipt gam panin paikhiatpih hi.

Micah 6:4

Bang hang hiam cih leh, Izipt gam panin note kong paikhiatpih a, salsuahna panin note ka hong tankhia hi. Note hong makai dingin, Moses, Aaron, leh Miriam ka hong sawl hi.

Sawltak 7:36

Tua pa in Israel mipawlte paikhiatpih a, kum sawmli tawntung Izipt gam San Tuipi sung leh gampa lakah nalamdangte leh limte a bawl hi.

Hebru 11:29

Israel mite in upna tawh San Tuipi laizangah lei keu tung tawn bangin a pai uh hi. Tua mite bangin Izipt mite in ahih sawm uh a, tui sungah a tummang uh hi.