Joshua 24:33 - Tedim Bible

³³ Tua ciangin Aaron’ tapa Eleazar si hi; tua ciangin amaute in Efraim mualtung gam sunga ama tungah a kipia, ama tapa Finehas’ khua Gibeah-ah vui uh hi.

Tedim Bible Revision 2017

³³ Tua ciangin Aaronʼ tapa Eleazar a si hi. Amaute in Efraim mual tung gam sunga a om, ama tapa Finehas tungah a kipia Gibeah khua ah a vui uh hi.

Joshua 24:33 Iomraidhean Croise

2 SAMUEL NIHNA 20:21

Tua thu man lo hi. Ahih hangin Efraim mual tung gam mi, Bikhri’ tapa Sheba a kici mipa in Kumpi David lehdo hi; amah bek hong pia in, tua hi leh khuapi panin ka nungkik ding hi,” a ci hi. Tua ciangin numei in Joab kiangah, En in, kulh sung panin nang kiangah ama lutang hong kilawn suk ding hi,” a ci hi.

1 KUMPI MASATE 4:8

Hihte in amaute’ min ahi hi: Efraim mualtung gam sungah Benhur;

2 KUMPI NIHNATE 5:22

Tua ciangin amah in, “A vekpi-in hoih hi. Ka topa in, ‘Kamsangte nih Efraim mualtung gam panin kei kiangah tu mahmahin hong tung hi; kong thum hi, amaute tungah ngun talen khat leh pawi puan nih pia in,’ a ci dingin hong sawl hi,” a ci hi.

Ezra 7:5

a pa Abishua, a pa Finehas, a pa Elazar, a pa, siampi lian Aaron—

JOB (Job) 30:23

Mi khempeuh adingin a kisehkholsa ahi, sihna-ah hong paipih na hihna ka thei hi.

Late 49:10

Hi hi, amah in a pilte nangawn a si mu ding a, a haite leh a teilote a kibangin sia-in, amau neihsate midangte’ tungah nusiat uh hi.

Paikhiatna 6:23

Aaron in Amminadab’ tanu, Nahshon’ sanggam nu ahi Elisheba zi-in la hi; tua nu in amah tawh Nadab, Abihu, Eleazar leh Ithamar nei hi.

Paikhiatna 6:25

Aaron tapa Eleazar in Putiel’ tanute khat zi-in la hi; tua nu in amah tawh Finehas nei hi. Hihte in a innkuan kuanin Levi mite’ beh lutangte ahi hi.

Zekhariah 1:5

Tu-in na pu na pate uh koi-ah om ahi hiam? Tua kamsangte nungta lai sa na hi uh hiam?

Gamlak-vakna 3:32

Siampi Aaron’ tapa Eleazar in Levi mi makaite tungah a ukpi hi ding a, biakinn a en mite’ nasepna vaan ding hi.

Sawltak 13:36

David in Pasian’ deih bangin ama khan’ lai-in na a sep khit ciangin si a, a pute a pate tawh kivui khawm a, muatna a thuak hi.

Hebru 7:24

Zeisu ahih leh, a tawntung kip ahih ciangin a kikheel ngei lo siampi-za a ngah hi.

Joshua 14:1

Hihte in, siampi Eleazar, leh Nun tapa Joshua, leh Israel minam sung pan beh lutangte in amaute tungah a piak Kanaan gam sungah Israel mite’ ngah gamhte ahi hi.

Joshua 22:13

Tua ciangin Israel mite in Gilead gam-a om Reuben mite leh Gad mite leh Manasseh minam a langte kiangah siampi Eleazar tapa Finehas,

Thukhente 17:8

Tua mipa a muhna mun peuhah a teeng dingin Judah gam Bethlehem khua panin paikhia hi; tua bangin khualzinin a pai lai takin Efraim mualtung gam sunga Mikah’ inn-ah va tung hi.

Thukhente 18:13

Amaute tua lai mun panin Efraim mualtung gamah pai suakin Mikah innah tung uh hi.

Thukhente 20:28

Aaron’ tapa Eleazar’ tapa Finehas in tua mai-ah tua hunin na sem hi), “Ka sanggamte uh Benjamin mite a do dingin pai kik lai ding ka hi uh hiam, tua ahih kei leh khawl ding ka hi uh hiam?” a ci uh hi. Topa in, “Paito un; bang hang hiam cih leh zing ciangin amaute na khut sung uh ah kong pia ding hi,” a ci hi.

1 SAMUEL MASA 1:1

Efraim mi Zuf tapa Tohu, a tapa Elihu, a tapa Jeroham, a tapa Elkanah a kici min nei mi khat Efraim mual tung gam Ramathaimzofim-ah om hi.

1 SAMUEL MASA 9:4

Tua ciangin amaute in Efraim mual, mualtung gam leh Shalisha gam teng nawkin zong uh a, ahih hangin amaute in mu lo uh hi. Tua ciangin amaute in Sha-alim gam teng zong uh a, ahih hangin tua gamah na om lo hi. Tua ciangin amaute in Benjamin gam teng zong uh a, ahih hangin mu lo uh hi.