Joshua 24:32 - Tedim Bible

³² Israel mite in Izipt panin a puak uh Josef’ guhte pen Shekhem’ pa Hamor’ tapate tung panin Jakob in dangka zakhat tawh a lei leitang Shekhem-ah kivui hi; tua leitang pen Josef’ suan-le-khakte’ luah a suak hi.

Tedim Bible Revision 2017

³² Israel mite in Egypt panin a puak uh Josefʼ guhte pen Shekhemʼ pa Hamorʼ tapate tung panin Jakob in dangka za khat tawh a lei Shekhem leitang ah kivui a, tua leitang pen Josefʼ suanlekhakteʼ luah a suak hi.

Joshua 24:32 Iomraidhean Croise

Piancilna 33:19

Amah in Shekhem’ pa Hamor’ tapate tung panin a puanbuk lamnasa leitang dangka zakhat tawh lei hi.

Piancilna 48:22

Tua tham loin, ka namsau leh ka thal tawh Amor mite’ khut tung panin ka lak mual pang khat, na sanggamte’ tung sangin nang' tungah kong pia zaw hi,” ci hi.

Piancilna 50:24

Josef in a sanggamte' kiangah, “Kei a si ding ka hi ta hi; ahih hangin note’ kiangah Pasian hong pai-in hong huh ding a, hih leitang panin amah in Abraham, Isaak leh Jakob' tunga a ciamsa leitang-ah note hong paikhiatpih to ding hi,” ci hi.

Piancilna 50:25

Tua ciangin Josef in Israel tapate’ kiciamna bawlin, “Note' kiangah Pasian hong hawh ding a, note in hih lai panin ka guhte na pua to ding uh hi,” ci hi.

Paikhiatna 13:19

Moses in Josef' guhte paipih hi; bang hang hiam cih leh Josef in Israel mite' tungah thupi takin ciam a, “Note' kiangah Pasian hong hawh ding hi; tua ciangin note in hih lai panin keima' guhte na pua ding uh hi,” a ci hi.

Johan 4:5

Jakob in a tapa Josef a piak lo cing khat tawh kinai, Samaria gam Saikhar kici khua-ah a tung hi.

Sawltak 7:15

Izipt gamah Jakob paisuk a, amah leh i pate zong tua gamah a si khin uh hi.

Sawltak 7:16

A sih khit uh ciangin a luang uh Shekhem khua-ah pua uh a, Shekhem khua sungah Hamor’ tate tung pan ngun tawh Abraham in a leisa han sungah a vui uh hi.

Hebru 11:22

Josef in a sih hun a naih ciangin upna tawh Israel mipawlte paikhiatna thu lakin, ama guhte tawh kisai thu a vaikhak hi.