Joshua 24:27 - Tedim Bible

²⁷ Tua ciangin Joshua in mite khempeuh kiangah, “En un, hih suangtum in eite’ langkhatah teci hi ding hi; bang hang hiam cih leh Topa in eite tungah hong thugen khempeuh za khin hi; tua ahih ciangin note in na Pasian uh tungah a man loin na gamtat loh nadingun tua suangtum in note langkhatah teci hi ding hi,” a ci hi.

Tedim Bible Revision 2017

²⁷ Tua ciangin Joshua in mi khempeuh kiangah, “En un, hih suangtum pen eiteʼ lang khat ah teci hi ding hi. Bang hang hiam cih leh Topa in eite tungah hong thugen khempeuh hih suangtum in za khin hi. Tua ahih ciangin note, na Pasian uh tungah a man loin na gamtat loh nadingun hih suangtum pen noteʼ lang khat ah teci hi ding hi,” a ci hi.

Joshua 24:27 Iomraidhean Croise

JOB (Job) 31:23

Pasian’ daan piak ding kihta ka hih manin, tua bang peuhmah ka gamta ngei kei ding hi.

JOB (Job) 31:28

Tua bang mawhna in sihna daan a thuak ding hi a, tua bang mawhna in Vanglian Pasian nialna ahi hi.

Paunak 30:9

Hau lua leng, nang hong nialin, “Topa i cih kua hiam?” kong ci kha ding a, zawng lua leuleu leng, mi’ na guk sakin, ka Pasian’ min kong daisak kha zel ding hi.

Isaiah 1:2

Vantungte aw, za un, leitung aw, ngai un; bang hang hiam cih leh Topa in thu hong gen khin zo hi: “Ka pattahsa tapate in kei hong lehdo uh hi.

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Habakkuk 2:11

Note hong langpan’ dingin kulh suangte nangawn kiko ding a, innkamte in zong kikopih ding uh hi.

Gamlak-vakna 11:20

na ikkhiat dong uh leh na kih dong matengun kha khat tawntung na ne ding uh hi, bang hang hiam cih leh note lakah a om Topa nialin a mai-ah na kap uh a, “Bang hangin Izipt panin paikhia i hi hiam?” na ci uh hi,’ ci in,” a ci hi.

Mattiu 10:33

Mite mai-ah hong nial peuhmah, vantungah ka Pa mai-ah ke’n zong ka nial ding hi.”

Luka 19:40

Zeisu in, “Ke’n kong cih-inah, hih mite a daih uh leh, suangte in a kiko ding uh hi,” a ci hi.

Thu-hilhkikna 30:19

Tu ni-in note lang khat ah teci a pang dingin vantung leh leitung ka sam a, note mai-ah na teel dingun nuntakna leh sihna, thupha leh samsiatna ka koih hi; tua ahih ciangin note leh na suan leh khakte uh na hin’ theih nadingun nuntakna teel un la,

Thu-hilhkikna 31:19

Tua ahih ciangin hih la gelh in la, Israel mite hilh in; hih la in kei’ adingin Israel mite lang khatah teci ahih theih nadingin amaute tungah hih la hilh in.

Thu-hilhkikna 31:21

Siatna leh haksatnate amaute tungah a tun’ ciangin hih la in teci-in amaute lang khatah pang ding hi (bang hang hiam cih leh a suan leh khakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

Thu-hilhkikna 31:26

“Hih thukham laibu la un la, note lang khatah teci dingin a om theih nadingin Topa na Pasian uh thuciamna singkuang gei-ah koih un.

Thu-hilhkikna 32:1

“Vantungte aw, ngai un, thu ka gen ding hi; ka thugente leitung in za hen.

Thu-hilhkikna 4:26

Jordan gal khat luah dingin na paina leitang uhah na siat maimang baih nadingun note langkhatah teci pang dingin tu ni-in van leh lei ka sam hi; tua leitang tungah note sauvei na hing kei ding uh a, na sia maimang ding uh hi.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

Joshua 22:34

Reuben mite leh Gad mite in a biakna tau pen Teci phuak uh hi; “Bang hang hiam cih leh Topa in Pasian ahihna thu eite kikalah teci ahi hi,” amaute in ci uh hi.

Joshua 24:28

Tua ahih ciangin Joshua in a milip-in amau’ gam ciatah, mite ciahsak hi.

Mangmuhna 3:8

En in, kuama khak zawh loh ding kong na mai-ah ka hong hi. Na gamtatnate ahi zongin, nang in tawmkha thahatna nei-in, ka thute zui-in, ka min nial loin, na om thu ahi zongin ka thei hi.

1 SAMUEL MASA 7:12

Tua ciangin Samuel in suangtum khat la-in Mizpah leh Jeshanah kikalah phut a, a min Ebenezer phuak hi; bang hang hiam cih leh amah in, “Tu ciangciang Topa in eite hong huh hi,” a ci hi.