Joshua 24:26 - Tedim Bible

²⁶ Tua ciangin Joshua in Pasian’ thukham laibu sungah hih kammalte gelh hi; amah in suangtum lianpi khat la-in Topa’ biakinn sung tawsaw nuai-ah phut hi.

Tedim Bible Revision 2017

²⁶ Tua ciangin Joshua in Pasianʼ thukham laibu sungah hih kammalte a gelh hi. Amah in suangtum lianpi khat la-in Topa biakna mun tawsaw nuai ah a phut hi.

Joshua 24:26 Iomraidhean Croise

Piancilna 31:45

Tua ahih ciangin Jakob in suang khat la-in khuamin phut hi.

Piancilna 35:4

Tua ahih ciangin amaute in Jakob’ tungah amau’ neih gamdang pasian khempeuh leh a bil-uh a, om bilbahte pia uh hi; Jakob in Shekhem khua gei-a tawsaw nuai-ah tuate seel hi.

Piancilna 35:8

Tua ciangin Rebekah a cingnu Deborah si a, Beth-el khang tawsaw nuai-ah amah kivui hi; tua ahih ciangin tua mun min in Allon-bakuth kici hi.

Paikhiatna 24:4

Moses in Topa’ thugente khempeuh gelh hi. Zingsangin amah tho baih a, mual bul-ah biakna tau khat lamin, Israel minam sawm-le-nihte tawh kituakin khuam sawm-le-nih phut hi.

Thukhente 9:6

Tua ciangin Shekhem khua mite khempeuh leh Bethmillo khua mite khempeuh hong paikhawm uh a, amaute in Shekhem khua-a tawsaw khuampi kiangah Abimelek kumpi suaksak uh hi.

1 SAMUEL MASA 7:12

Tua ciangin Samuel in suangtum khat la-in Mizpah leh Jeshanah kikalah phut a, a min Ebenezer phuak hi; bang hang hiam cih leh amah in, “Tu ciangciang Topa in eite hong huh hi,” a ci hi.