Joshua 24:25 - Tedim Bible

²⁵ Tua ahih ciangin Joshua in Shekhem-ah tua ni-in mite tawh thuciamna bawl a, amaute adingin thukhamte leh biakna ngeina kipte a bawl hi.

Tedim Bible Revision 2017

²⁵ Tua ahih ciangin Joshua in Shekhem ah tua ni-in mite tawh thuciamna bawl a, amaute adingin thukham le biakna ngeina kipte a bawl hi.

Joshua 24:25 Iomraidhean Croise

Piancilna 35:4

Tua ahih ciangin amaute in Jakob’ tungah amau’ neih gamdang pasian khempeuh leh a bil-uh a, om bilbahte pia uh hi; Jakob in Shekhem khua gei-a tawsaw nuai-ah tuate seel hi.

2 KUMPI NIHNATE 11:17

Tua ciangin Jehoiada in amaute Topa’ mi ahih nading uh Topa leh kumpipa leh mite kikalah thuciamna khat bawl hi; kumpipa leh mite kikalah zong bawl hi.

2 KHANG TANGTHU NIHNATE 15:12

Tua ciangin a lungsim khempeuh uh leh a nuntakna khempeuh uh tawh a pu a pate uh’ Pasian, Topa a zon’ nading uh,

2 KHANG TANGTHU NIHNATE 15:15

Tua ciangin Judah mi khempeuh tua kiciamna ah lungdam uh hi; bang hang hiam cih leh amaute in a lungsim khempeuh uh tawh kiciamin deihna taktak tawh amah zong a, tua ciangin amaute in amah mu uh a, Topa in a kiim uhah amaute gal daihna pia hi.

2 KHANG TANGTHU NIHNATE 23:16

Tua ciangin Topa’ mi ahih nading uh Jehoiada in amah leh mi khempeuh leh kumpipa kikal ah thuciamna khat bawl hi.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsim ah om hi.

Nehemiah 9:38

Hih thute khempeuh hangin a kip thuciamna khat bawlin lai-in ka gelh uh a, ka uliante uh, ka Levi mite uh leh ka siampite un zong tua lai tungah a min uh gelh uh hi.

Paikhiatna 15:25

Topa’ tungah amah kiko hi; Topa in singkung khat amah lak a, amah in tui sungah tua sing lawn a, tui lim hong suak pah hi. Topa in tua lai munah amaute adingin thukham khat leh ngeina kip khat bawl a, tua lai mun-ah amah in amaute' tungah ze-et hi. Amah in,

Paikhiatna 24:3

Moses hong pai-in Topa’ thugente khempeuh leh biakna ngeinate khempeuh mite' kiangah gen hi; mite khempeuh in aw kikhatin dawng uh a, “Topa’ gensa thute khempeuh ka hih ding uh hi,” a ci uh hi.

Thu-hilhkikna 29:1

Hihte, Horeb ah amaute tawh thuciamna a bawlsa ban-ah, Israel mite tawh Moab gamah thuciamna a bawl dingin Topa in Moses a sawl, a thuciamna kammalte ahi hi.

Joshua 24:1

Tua ciangin Joshua in Israel minam khempeuh Shekhem-ah kaikhawmin a upate, a lutangte, a thukhente, leh Israel uliante sam hi; tua ciangin Pasian mai-ah amau ciat kilaak uh hi.

Joshua 24:26

Tua ciangin Joshua in Pasian’ thukham laibu sungah hih kammalte gelh hi; amah in suangtum lianpi khat la-in Topa’ biakinn sung tawsaw nuai-ah phut hi.