Joshua 24:21 - Tedim Bible

²¹ Tua ciangin mite in Joshua kiangah, “Hilo hi; Topa na’ ka sem ding uh hi,” a ci uh hi.

Tedim Bible Revision 2017

²¹ Tua ciangin mite in Joshua kiangah, “Hi lo hi; Topaʼ na ka sem ding uh hi,” a ci uh hi.

Joshua 24:21 Iomraidhean Croise

Paikhiatna 19:8

Mi khempeuh in, “Topa’ gensa khempeuh ka hih ding uh hi,” ci-in dawng khawm uh hi. Moses in mite’ thugente Topa’ tungah gen hi.

Paikhiatna 20:19

Moses' kiangah, “Nangmah in kote' kiangah thu hong gen in, kote in ka ngai ding uh hi; ahih hangin, kote si kha ding ka hih ciangun kote' tungah Pasian hong gensak kei in,” a ci uh hi.

Paikhiatna 24:3

Moses hong pai-in Topa’ thugente khempeuh leh biakna ngeinate khempeuh mite' kiangah gen hi; mite khempeuh in aw kikhatin dawng uh a, “Topa’ gensa thute khempeuh ka hih ding uh hi,” a ci uh hi.

Paikhiatna 24:7

Tua ciangin amah in thuciamna laibu la-in, mite’ zak-in tua laibu sim hi; amaute in, “Topa’ gensa khempeuh kote in ka hih ding uh a, kote ka thumang ding uh hi,” ci uh hi.

Isaiah 44:5

Khat in, ‘Keimah in Topa aa ka hi hi,’ ci-in, a dang khat in Jakob’ min tawh ama min lo ding a, a dang khat leuleu in, ‘Topa aa,’ ci-in ama khut tungah gelhin, Israel min tawh amahmah kinophuah ding hi.”

Thu-hilhkikna 26:17

Tu ni-in, Topa in note’ Pasian ahihna leh note in ama lampite tawnin, ama thukhamte leh ama thupiaknate leh ama ngeina kipte zui-in, ama thu na man’ ding uh na gen khin uh hi;

Joshua 24:20

Topa nusia-in gamdang pasiante’ na nasep uh leh, note tungah a hoih hong bawl khit ciangin amah hong kihei-in note tungah siatna hong bawlin note hong beisak ding hi,” a ci hi.

Joshua 24:22

Tua ciangin Joshua in mite kiangah, “Ama na sem dingin Topa na teel khitna uh-ah note adingin note mah in teci na hi uh hi,” a ci hi. Tua ciangin amaute in, “Kote in teci ka hi uh hi,” a ci uh hi.