Joshua 24:19 - Tedim Bible

¹⁹ Ahih hangin Joshua in mite kiangah, “Topa’ na nasem zo kei ding uh hi; bang hang hiam cih leh amah in a siangtho Pasian ahi hi; amah in a aam Pasian ahi hi; note’ thupalsatna ahi a, na khialhna uh ahi zongin hong maisak lo ding hi.

Tedim Bible Revision 2017

¹⁹ Ahih hangin Joshua in mite kiangah, “Topaʼ na na sem zo kei ding uh hi. Bang hang hiam cih leh amah pen a siangtho Pasian hi a, a aam Pasian zong ahi hi. Noteʼ thupalsatna ahi a, na khialhna uh ahi zongin hong maisak lo ding hi.

Joshua 24:19 Iomraidhean Croise

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Late 99:3

A lian a kihtak-huai ama min, mi khempeuh in phat ta hen. Amah siangtho hi.

Late 99:5

I Topa Pasian phat un; ama khe ngakna munah bia un! Amah siangtho hi!

Late 99:9

Topa Pasian phat un la, ama mual siangtho-ah bia un; bang hang hiam cih leh i Topa Pasian siangtho hi!

Paikhiatna 20:5

amaute' mai-ah kun loin, amaute na bia kei ding hi; bang hang hiam cih leh keimah Topa na Pasian in a aam Pasian ka hi a, kei hong mudahte' tungah pate’ mawhna tate tungah khang thum khang lina dongin thukin,

Paikhiatna 23:21

Amah thudon-in ama' aw ngai un la amah lehdo kei un, bang hang hiam cih leh amah in note’ thu palsatna hong maisak lo ding hi; bang hang hiam cih leh keima' min tawh nasem ahi hi.

Paikhiatna 34:14

(bang hang hiam cih leh pasian dang na bia kei ding hi, bang hang hiam cih leh Topa ama' min Aam a hipa in a aam Pasian ahi hi),

Paikhiatna 34:7

mi tul tampite adingin itna kip a nei, mawhna, thupalsatna leh khialhna maisakin, ahih hangin bang bang hita leh mawhna a siangsak ngei lo, pate’ mawhna tate tung leh tute tung, khang thum, khang lina dongin a thukpa,” ci-in pulak hi.

Isaiah 2:9

Tua ahih ciangin mite kiniamkhiat sukin, mite a niamin kikoih suk hi. Amaute’ mawhna maisak kei in:

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Isaiah 30:11

lampi nusia-in, lamzin panin pial un la, Israelte’ Siangtho Pa’ thu hong zasak nawn kei un,” a ci uh hi.

Isaiah 30:15

Bang hang hiam cih leh Israelte’ Siangtho Pa, alian Pasian in, “Kihei kikna leh khawlna bek tawh note in suahtakna na ngah ding uh hi; daii tak-a omna leh muanna in nomau’ thahatna hi ding hi,” a ci hi. Ahih hangin note na tuaci kei uh a,

Isaiah 5:16

Ahih hangin thutang sepna tawh Vanglianpen Topa in a liatna hong kilangsak a, a Siangtho Pasian in a mite a thukhenna tawh ama siangthona hong kilangsak hi.

Siampi Laibu 10:3

Tua ciangin Moses in Aaron’ kiangah, “Topa in ‘Ka kiang nai-a a omte kiangah keimah a siangthoin ka kilak ding a, mite khempeuh mai-ah keimah hong kiminthangsak ding hi,’ a ci hi,” ci-in a gen hi. Aaron pau loin om hi.

Siampi Laibu 11:44

Bang hang hiam cih leh keimah in Topa na Pasian uh ka hi hi; tua ahih ciangin note ki-ap un la, kei siangtho ka hih manin note zong siangtho un. Leitunga bokvak a, a hontat ganhing khatpeuh peuh tawh note na kinin tawmsak kei ding uh hi.

Siampi Laibu 11:45

Bang hang hiam cih leh note’ Pasian a hi dingin Izipt gam panin note hong paikhiatpihpa in keimah Topa ka hi hi; tua ahih ciangin kei siangtho ka hih manin note na siangtho ding uh hi,” a ci hi.

Siampi Laibu 19:2

“Israel mi honte khempeuh kiangah hih bangin gen in: Note na siangtho ding uh hi; bang hang hiam cih leh Topa note’ Pasian keimah in ka siangtho hi.

Siampi Laibu 20:26

Note in keima adingin na siangtho ding uh hi; bang hang hiam cih leh Topa ahi keimah in ka siangtho a, note in keima’ aa na hih theih nadingun mite kiang panin note kong tuamkoih zo hi.

Siampi Laibu 20:7

Tua ahih ciangin note ki-ap un la, siangtho un; bang hang hiam cih leh keimah in Topa na Pasian uh ka hi hi.

Nahum 1:2

Topa Pasian in amah a demte koihkhong lo a, amah a langpangte daantatin, a galte thukkik hi.

Habakkuk 1:13

Ahi zongin hih a gilo zuautat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin, amaute sangin a dikzaw mite a suksiatna-ah, bang hangin daicip na hi hiam?

Mattiu 6:24

“To nih’ na kuamah in semkhawm zo lo hi. Bang hang hiam na cih uh leh, a tote khat mudahin khat a it ding hi. Khat beelin khat a simmawh ding hi. Note in Pasian’ na leh leitung’ na na semkhawm zo kei ding uh hi.

Joshua 24:18

Topa in eite mai-ah mi khempeuh, tua gam-a teeng Amor mite hawlkhia hi; tua ahih ciangin amah in i Pasian ahih manin kote in zong Topa’ na ka sem ding uh hi,” a ci uh hi.

Joshua 24:23

Amah in, “Tua ahih leh note lakah a om gamdang pasiante koih khia un la, Israel Pasian, Topa’ lamah na lungsim uh nga un,” a ci hi.

Ruth 1:15

Tua ciangin amah in, “En in, na sanggamnu a mite leh a pasiante kiangah ciahkik khin hi; na sanggamnu’ nungah nang zong ciah in,” a ci hi.

1 SAMUEL MASA 3:14

Tua ahih ciangin Eli’ innkuante’ mawhna pen biakna ahi a, piakna in ahi zongin a maisak zawh ngei loh nading thu Eli’ innkuante tungah ka kiciam hi,” a ci hi.

1 SAMUEL MASA 6:20

Tua ciangin Bethshemesh mite in, “Hih a siangtho Pasian, Topa mai-ah kua om zo ding ahi hiam? Eite kiang panin kua kiangah amah paisak ding i hi hiam?” a ci uh hi.