Joshua 24:18 - Tedim Bible

¹⁸ Topa in eite mai-ah mi khempeuh, tua gam-a teeng Amor mite hawlkhia hi; tua ahih ciangin amah in i Pasian ahih manin kote in zong Topa’ na ka sem ding uh hi,” a ci uh hi.

Tedim Bible Revision 2017

¹⁸ Topa in eiteʼ mai ah tua gam a teeng Amor mite khempeuh hawl khia hi. Tua ahih ciangin amah pen eiteʼ Pasian ahih manin kote in zong Topaʼ na ka sem ding uh hi,” a ci uh hi.

Joshua 24:18 Iomraidhean Croise

Late 116:16

Topa aw, keimah in nangma nasem ka hi hi; nangma nasem ka hi a, na nasem nu’ ta ka hi hi. Keimah hong kikhihnate nong sutkhiatsak zo hi.

Paikhiatna 15:2

Topa in ka hatna leh ka lungdamna hi a, amah in keima' kihotkhiatna suak khin hi; hih in keima' Pasian hi, amah ka phat ding hi, ka pa’ Pasian hi, amah ka liansak ding hi.

Paikhiatna 23:31

Keimah in San Tuipi panin Filistia mite’ tuipi ciang leh gamlak panin Eufrates gun ciang dongah na gamgite uh ka phut ding hi; bang hang hiam cih leh tua gam-a teeng mite note’ khut sungah kong pia ding a, note in na mai uh-ah amaute na hawlkhia ding uh hi.

Micah 4:2

Minam tampite hong pai-in, “Jakob’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topa’ thu hong pai khia hi.

Zekhariah 8:23

Tua hun ciangin minam tuamtuamte sung panin mi sawm, Judah mi khat kiangah hong pai-in, ‘Pasian in note hong ompihna thu za ka hih manun na nung hong zuisak in,’ ci-in thuum ding uh hi,” a ci hi.

Sawltak 7:45

A piang nunung eite pate in tua buk Gentailte’ lei a luah uh ciangin Joshua tawh a paipih uh hi. Tua Gentailte Pasian in David’ khang dongin i pu i pate mai pan a hawlkhia hi.

Thu-hilhkikna 10:21

Amah in nomau’ phat ahi hi: na mitte un a muhsa ahi hih a lian a kihtak huai a lamdang nate note adingin hong bawlsakpa in na Pasian uh ahi hi.

Thu-hilhkikna 33:27

Tawntung Pasian in nangma omna hi a, nangmah huh dingin tawntung baante a om hi. Amah in na mai-ah galte nawhkhia-in, Susia un, ci hi.

Joshua 23:9

Bang hang hiam cih leh Topa in note mai-ah a lian a tha-hat minamte hawlkhia hi; note ahih leh tu ni dongin mi khat beek in hong nang zo lo hi.

Joshua 24:17

bang hang hiam cih leh salsuahna Izipt gam panin eite leh i pu i pate hong pai khiatpih, eite’ muhna-ah tua lim liante a bawl, i paina lampi khempeuh leh i nawk mite khempeuh lakah hong kempa in Topa i Pasian ahi hi;

Joshua 24:19

Ahih hangin Joshua in mite kiangah, “Topa’ na nasem zo kei ding uh hi; bang hang hiam cih leh amah in a siangtho Pasian ahi hi; amah in a aam Pasian ahi hi; note’ thupalsatna ahi a, na khialhna uh ahi zongin hong maisak lo ding hi.