Joshua 24:14 - Tedim Bible

¹⁴ “Tua ahih ciangin tu-in Topa zaktak un la, lungsim tak leh thumanna tawh ama na sem un; na pate un Gungal leh Izipt gam sungah a na a sep uh pasiante koih khia un la, Topa’ na sem un.

Tedim Bible Revision 2017

¹⁴ “Tua ahih ciangin tu-in Topa zahtak unla, lungsim tak le thumanna tawh ama na sem un. Na pu na pate un Gun gal le Egypt gam sungah a biak uh pasian-te koih khia unla, Topaʼ na sem un.

Joshua 24:14 Iomraidhean Croise

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

Piancilna 35:2

Tua ahih ciangin Jakob in a innkuanpihte leh amah tawh a omte khempeuh' kiangah, “Note' lakah a om gamdang pasiante koih khia un la, nomau kisian’suahin, na puante uh kheek un;

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.

JOB (Job) 1:1

Uz gamah Job kici min nei mi khat om hi; tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah pel hi.

JOB (Job) 28:28

Tua ciangin amah in mihingte tungah, ‘Topa zahtakna in pilna ahi hi, siatna pelhna in thu theihna ahi hi,’ ci hi,” a ci hi.

Late 111:10

Topa zahtakna in pilna kipatna ahi hi; ama thupiak a zuite khempeuh tungah thukhen siamna a pia hi. Amah phat tawntung ding ahi hi.

Late 119:1

Amau gamtatna-ah paubaan’na om lo a, Topa’ ngeina sunga gamtate in thupha ngah ahi hi!

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in!

Late 130:4

Ahih hangin nang hong kizahtak theih nadingin nangmah in mawhna na maisak hi.

Late 81:10

Keimah in, Izipt gam panin note a hong lakhia, Topa na Pasian uh ka hi hi. Na kam uh a gol-in ka un, keimah in kong dimsak ding hi.

Ezekiel 20:18

A tate uh kiangah, ‘Na pu na pate uh in a bawl thukhamte zui kei un la, amaute’ tat ngeinate zui kei un. A milim biaknate uh tawh zong kininsak kei un.

Ezekiel 23:3

Amaute Izipt-ah a om lai, a khangno lai takun, a nungakna lim uh bei-in numei paktat suak uh hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Siampi Laibu 17:7

Tua ahih ciangin amaute in a biak uh keel milimte adingin amau’ biakpiaknate go nawn lo ding uh hi. Hih in amau’ khang tawntungin amaute tungah ngeina kip khat hi ding hi.

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Sawltak 9:31

Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Efesa 6:24

Kisia lo itna tawh i Topa Zeisu Khazih a it mite khempeuh tungah hehpihna thupha om ta hen.

Thu-hilhkikna 10:12

“Israelte aw, tu-in, Topa na Pasian uh zahtak ding, ama lampite tot ding, amah it ding, na lungsim khempeuh uh leh na nuntakna khempeuh uh tawh Topa note’ Pasian’ na sep ding,

Thu-hilhkikna 18:13

Note in Topa na Pasian uh mai-ah pau’ baang loin na om ding uh hi.

Thu-hilhkikna 6:13

Topa na Pasian uh na zahtak ding uh hi; ama na bek na sem ding uh a, ama min tawh na kiciam ding uh hi.

Joshua 24:2

Tua ciangin Joshua in mite khempeuh tungah, “Israel Pasian, Topa in hih bangin ci hi. ‘Taang lai-in Eufrates galkhatah na pu na pate uh teeng ngei a, tuate lakah Abraham leh Nahor’ pa Terah in khat ahi hi; amaute in pasian dangte’ na sem uh hi.

Joshua 24:23

Amah in, “Tua ahih leh note lakah a om gamdang pasiante koih khia un la, Israel Pasian, Topa’ lamah na lungsim uh nga un,” a ci hi.

1 SAMUEL MASA 12:14

Note in Topa zahtakin ama’ na sem a, ama aw ngai-in Topa’ thupiakna na lehdo kei uh a, note a hong uk kumpipa leh Topa na Pasian uh na zuih uh leh thu hong nuam ding hi;

1 SAMUEL MASA 12:24

Topa zahtak bek un la, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsaksate ngaihsun un.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa lamah a kihei kik na hih uh leh note lak panin gamdang pasiante leh Ashtaroth milim koih khia-in Topa lamah na lungsim uh ngat un la, ama’ na bek sem un; tua ciangin amah in Filistiate khut sung panin note hong honkhia ding hi,” a ci hi.